(vovworld) – ຕອນ​ຄຳ່​ວັນ​ທີ 30/9, ຈີນ​ ​ໄດ້​ຈັດ​ຕັ້ງ​ພິທີ​ສະ​ເຫຼີ​ມສະຫຼອງ 64 ປີ​ແຫ່ງ​ວັນ​ສາ​ຖາ​ປາ​ນາ​ປະ​ເທດ ສ.ປ ຈີນ (1/10/1949 – 1/10/2013) ຢູ່​ຫໍ​ປະຊຸມ​ປະຊາຊົນ​ທີ່ນະຄອນຫຼວງ ປັກ​ກິ​ງ. ກ່າວ​ຄຳ​ເຫັນ​ທີ່​ພິທີ, ທ່ານ​ນາຍົກລັດຖະມົນຕີ ຈີນ ຫຼີ​ເຄີ​ຊຽນ ​ເນັ້ນໜັກ​ວ່າ: ນັບ​ແຕ່​ເມື່ອ​ປະ​ເທດ ສປ ຈີນ​ ​ໄດ້​ຮັບ​ການ​ສ້າງ​ຕັ້ງ​ຂຶ້ນ, ພິ​ເສດ​ແມ່ນ​ເມື່ອ​ປະຕິ​ຮູບ ​ເປີດ​ປະຕູ​ມາ​ຮອດ​ປະຈຸ​ບັນ, ພັກ​ກອມ​ມູນິດ ຈີນ ​ໄດ້ນຳ​ພາ​ປະຊາຊົນ​ບັນດາ​ເຜົ່າ​ໃນ​ທົ່ວ​ປະ​ເທດ​ສາມັກຄີສູ້ຊົນ, ​ເປີດຊ່ອງ​ທາງກ້າວ​ຂຶ້ນ​ສັງຄົມ​ນິຍົມທີ່​ເປັນ​ເອກະລັກ​ສະ​ເພາະ​ຂອງ ຈີນ ​ແລ​ະ ຍາດ​ໄດ້​ບັນດາ​ຜົນງານ​ອັນ​ໃຫຍ່ຫຼວງ, ສ້າງ​ພື້ນຖານ​ທີ່​ໝັ້ນຄົງ​ໃຫ້​ແກ່​ການ​ກໍ່ສ້າງ​ສັງຄົມ​ຮອບດ້ານ. ຈີນ​ຈະ​ຢືດໝັ້ນທິດ​ນຳ “ປະ​ເທດ​ໜຶ່ງ 2 ລະບອບ”, ຮັບປະກັນ​ໃຫ້ ຮົ່ງກົງ ມີສະຖຽນ​ລະ​ພາບ, ວັດທະນາ​ຖາວອນ, ສືບ​ຕໍ່​ຍູ້​ແຮງ​ການ​ພົວພັນ 2 ຝາກ​ສັນຕິພາ​ບພັດທະນາ. ກ່ຽວ​ກັບ​ການ​ຮ່ວມ​ມື​ສາກົນ, ທ່ານ​ນາຍົກ​ລັດຖະມົນຕີ ຫຼີ​ເຄີ​ຊຽນ ຢືນຢັນ​ວ່າ: ຈີນ ຈະ​ໄປ​ຕາມ​ເສັ້ນທາງ​ສັນຕິພາບ​ພັດທະນາຢ່າງ​ສະ​ເໝີ​ຕົ້ນ​ສະ​ເໝີ​ປາຍ ​ແລະ ຈະຫວັງ​ວ່າ​ພ້ອມ​ກັບ​ບັນດາ​ປະ​ເທດ​ໃນ​ໂລກ​​ແບ່ງປັນ​ກາລະ​​ໂອກາດ​ພັດທະນາ, ພ້ອມ​ກັນ​ຜ່ານ​ຜ່າ​ການ​ທ້າ​ທາຍ​ຮັກສາ​ສະຖຽນ​ລະ​ພາບ​ໃນ​ພາກ​ພື້ນ ​ແລະ ສັນຕິພາບ​ຢູ່​ໃນ​ໂລກ.