ຈຳນວນຜູ້ຕິດເຊື້ອພະຍາດໂຄວິດ - 19 ໃນໂລກພວມມີທ່າອ່ຽງເພີ່ມຂຶ້ນ
(VOVWORLD) -ໄລ່ຮອດເວລາ 1 ໂມງຂອງວັນທີ 5 ພະຈິກ (ຕາມເວລາ UTC), ທົ່ວໂລກມີຜູ້ຕິດເຊື້ອພະຍາດໂຄວິດ - 19 ກ່ວາ 249,3 ລ້ານຄົນ, ໃນນັ້ນມີຜູ້ເສຍຊີວິດ ກ່ວາ 5 ລ້ານຄົນ.
 (ພາບ: AFP/TTXVN) |
ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1 ໂມງຂອງວັນທີ 5 ພະຈິກ (ຕາມເວລາ UTC), ທົ່ວໂລກມີຜູ້ຕິດເຊື້ອພະຍາດໂຄວິດ - 19 ກ່ວາ 249,3 ລ້ານຄົນ, ໃນນັ້ນມີຜູ້ເສຍຊີວິດ ກ່ວາ 5 ລ້ານຄົນ. ອາເມລິກາ ຍັງຄົງແມ່ນປະເທດໄດ້ຮັບຜົນສະທ້ອນຢ່າງຮ້າຍແຮງທີ່ສຸດ, ດ້ວຍຈຳນວນຜູ້ຕິດເຊື້ອຫຼາຍກ່ວາ 47 ລ້ານຄົນ, ໃນນັ້ນມີຜູ້ເສຍຊີວິດກ່ວາ 772.000 ຄົນ. ຖັດຈາກນັ້ນແມ່ນ ອິນເດຍ ແລະ ບຣາຊິນ.
ຈຳນວນຜູ້ຕິດເຊື້ອໃໝ່ໃນໂລກ ພວມມີທ່າອ່ຽງເພີ່ມຂຶ້ນ ດ້ວຍ ຜູ້ຕິດເຊື້ອໃໝ່ເກືອບ 504.000 ຄົນ ໃນ 24 ຊົ່ວໂມງທີ່ຜ່ານມາ. ອາເມລິກາ ສືບຕໍ່ຢືນຢູ່ແຖວໜ້າໂລກກ່ຽວກັບຈຳນວນຜູ້ຕິດເຊື້ອໃໝ່ ດ້ວຍ 79.000 ຄົນ.
ສ່ວນຢູ່ຫວຽດນາມ, ຕາມແຫຼ່ງຂ່າວຈາກກະຊວງສາທາລະນະສຸກແລ້ວ, ໄລ່ຮອດວັນທີ 05 ພະຈິກ, ຫວຽດນາມ ກວດພົບຜູ້ຕິດເຊື້ອພະຍາດໂຄວິດ-19 ທັງໝົດ 953.547 ຄົນ, ຜູ້ໄດ້ຮັບການປິ່ນປົວຫາຍດີເປັນປົກກະຕິແມ່ນ 837.347 ຄົນ.