(ພາບ:voatiengviet.com)
(vovworld)-ຕາມລາຍງານຂອງຄະນະກຳມະການສູນກາງແນວໂຮມປະເທດຊາດຫວຽດນາມ, ແຕ່ວັນທີ 1/10/2013 ຫາວັນທີ 22/10/2013, ຍອດຈຳນວນເງິນຂອງບັນດາອົງການຈັດຕັ້ງ, ຫົວໜ່ວຍ, ສ່ວນບຸກຄົນ ໄດ້ບໍລິຈາກຊ່ວຍເຫຼືອປະຊາຊົນທີ່ປະສົບເຄາະຮ້າຍຈາກ ພາຍຸນ້ຳຖ້ວມຢູ່ພາກກາງ ແມ່ນ 69,5 ຕື້ດົ່ງ. ໃນນັ້ນ, ກວ່າ 65 ຕື້ດົ່ງໄດ້ຈັດແບ່ງເພື່ອຊ່ວຍເຫຼືອໃຫ້ປະຊາຊົນບັນດາທ້ອງຖິ່ນຕ່າງໆ. ທີ່ກອງປະຊຸມໂດຍແມ່ນຄະນະປະຈຳສູນກາງແນວໂຮມປະເທດຊາດຫວຽດນາມ ຈັດຕັ້ງຂຶ້ນໃນຕອນເຊົ້າ ວັນທີ 24/10 ຢູ່ຮ່າໂນ້ຍ. ທ່ານ Vũ Trọng Kim ຮອງປະທານ, ທັງເປັນເລຂາທິການສູນກາງແນວໂຮມປະເທດຊາດຫວຽດນາມ, ຫົວໜ້າຄະນະກູ້ຊ່ວຍສູນກາງ, ໃຫ້ຮູ້ວ່າ :
ພວກຂ້າພະເຈົ້າສະເໜີບັນດາກະຊວງ,ຂະແໜງການບໍ່ຄວນນຳໃຊ້ເງິນຊ່ວຍເຫຼືອເພື່ອຊື້ສິນຄ້າ ຫາກສົ່ງໃຫ້ປະຊາຊົນໂດຍກົງ ເພື່ອໃຫ້ເຂົາເຈົ້າຊື້ສິນຄ້າຕາມຄວາມຕ້ອງການ. ເລື່ອງແກ້ໄຂຜົນຮ້າຍຍ້ອນຫຼັງຈາກໄພທຳມະຊາດ ແມ່ນສຸມໃສ່ບັນຫາສ້ອມແປງເຮືອນຢູ່. ພວກຂ້າພະເຈົ້າສະເໜີອຳນາດການປົກຄອງທ້ອງຖິ່ນ ເບີກຈ່າຍຢູ່ໃນລະດັບທີ່ເໝາະສົມ ເພື່ອໃຫ້ພໍ່ແມ່ປະຊາຊົນໄດ້ກໍ່ສ້າງເຮືອນຢູ່ຂອງຕົນໃຫ້ຖາວອນ ແລະ ແທດຈິງກວ່າ ພ້ອມກັບວຽກງານອານາໄມສິ່ງແວດລ້ອມຫຼັງນ້ຳຖ້ວມກໍ່ຄືແກ້ໄຂສະພາບເກີດໂລກລະບາດຢ່າງທັນການ.