​(vovworld) - ໃນ​ລະຫວ່າງ​ວັນ​ທີ 30/06 – 02/07, ຄະນະ​ປະຕິບັດ​ງານ​ຂອງ​ສະ​ຖານ​ທູດ​ຫວຽດນາມ​ປະຈຳ​ອັກ​ຊັງ​ຕິນ, ​ໂດຍ​ທ່າ​ນ​ເອກ​ອັກຄະ​ລັດຖະທູດ ຫງວຽນ​ດິ່ງ​ທາວ ນຳ​ໜ້າ, ​ໄດ້​ມີ​ການ​ຢ້ຽມຢາມ ​ແລະ ​ເ​ຮັດ​ວຽກ​ຢູ່​ແຂວງ Mendoza, ທາງພາກ​ກາງ​ອັກ​ຊັງ​ຕິນ, ​ເພື່ອ​ແນ​ໃສ່​ຊຸກຍູ້​ການ​ແລກປ່ຽນ​ການ​ຄ້າ 2 ຝ່າຍ. ​ໃນ​ການ​ເຮັດ​ວຽກກັບທ່ານ Grancisco Perez, ຜູ້​ວ່າການ​​ແຂວງ Mendoza, ທ່ານ​ເອກອັກຄະ​ລັດຖະທູດ ຫງວຽນ​ດິ່ງ​ທາວ ​ເນັ້ນ​ໜັກ​ເຖິງຄວາມ​ສາມາດ​ບົ່ມ​ຊ້ອນ​ໃນ​ການ​ຮ່ວມ​ມື​ດ້ານ​ເສດຖະກິດ ​ແລະ ການ​ຄ້າ​ລະຫວ່າງ 2 ປະ​ເທດ, ພິ​ເສດ​ແມ່ນ​ຄວາມ​ສາມາດ​ສົ່ງ​ອອກ​​ເຫຼົ້າ​ແວງ ​ແລະ ບັນດາ​ຜະລິດ​ຕະພັນ​ກະ​ເສດຂອງ Mendoza ​​ໄປ​ຍັງ​ຫວຽດນາມ.

      ທ່ານ Grancisco Perez ​ໄດ້​ເນັ້ນ​ໜັກວ່າ, ພ້ອມ​​ແລ້​ວທີ່ຈະ​ສ້າງ​ທຸກ​ເງື່ອນ​ໄຂ​ສະດວກ​ເພື່ອ​ໃຫ້​ບັນດາ​ອົງການ ​ແລະ ວິ​ສາ​ຫະກິດ 2 ປະ​ເທດ​ເພີ່ມ​ທະວີ​ການພົວພັນ​ຮ່ວມ​ມື.