ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ ເຈລະຈາທາງໄກ ກັບທ່ານນາງປະທານສະພາສູງ ສ.ເມັກຊີໂກ Olga Sanchez Cordero (ພາບ: VOV)

ທີ່ການເຈລະຈາ, ທ່ານປະທານສະພາແຫ່ງຊາດ ເວືອງດິ່ງເຫ້ວ ແລະ ທ່ານປະທານສະພາສູງເມັກຊີໂກ ຖືວ່າ ສະພາແຫ່ງຊາດສອງປະເທດຄວນຊຸກຍູ້, ສົ່ງເສີມ, ສ້າງເງື່ອນໄຂເພື່ອໃຫ້ວິສາຫະກິດສອງປະເທດສຳຜັດກັບຕະຫຼາດ, ສວຍໃຊ້ບັນດາບຸລິມະສິດ ຈາກ ສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP) ເຊິ່ງສອງປະເທດແມ່ນສະມາຊິກ, ເໝາະສົມກັບທ່າແຮງ ແລະ ຄວາມຕ້ອງການຂອງແຕ່ລະປະເທດ, ສ້າງພື້ນຖານເພື່ອຊຸກຍູ້ການຮ່ວມມືດ້ານເສດຖະກິດການຄ້າສອງຝ່າຍ. ສອງຝ່າຍຮ່ວມມືກັນເພື່ອຕ້ານອາດຊະຍາກຳຂ້າມຊາດ, ກໍ່ຄືບັນຫາບຸລິມະສິດຕ່າງໆກ່ຽວກັບຄວາມໝັ້ນຄົງສອງພາກພື້ນ.

ປະທານສະພາແຫ່ງຊາດສອງປະເທດ ໄດ້ຢັ້ງຢືນວ່າ ໃນໄລຍະຈະມາເຖິງ, ສອງຝ່າຍຈະສືບຕໍ່ຊຸກຍູ້ການແລກປ່ຽນຄະນະຜູ້ແທນຂັ້ນສູງ, ພິເສດແມ່ນການນຳຂັ້ນສູງຂອງສະພາແຫ່ງຊາດ, ບັນດາຄະນະກຳມາທິການດ້ານວິຊາສະເພາະ, ກຸ່ມສະມາຊິກລັດຖະສະພາມິດຕະພາບ, ເພີ່ມທະວີການແລກປ່ຽນບົດຮຽນລະຫວ່າງກຳມາທິການກ່ຽວກັບວຽກງານສ້າງກົດໝາຍ. ເຫັນດີເປັນເອກະພາບຮັກສາການປຶກສາຫາລື, ສົມທົບກັນ ແລະ ສະໜັບສະໜູນເຊິ່ງກັນແລະກັນຢູ່ບັນດາກົນໄກຮ່ວມມືຫຼາຍຝ່າຍ, ເວທີປາໄສລັດຖະສະພາຢູ່ພາກພື້ນ ແລະ ສາກົນ.