ຊຸກຍູ້ການຮ່ວມມືຮອບ ດ້ານລະຫວ່າງບັນດາ ທ້ອງຖິ່ນຂອງຫວຽດນາມ ແລະ ສ.ເຢັຍລະມັນ
(ພາບ:vietnam+)
(vovworld)- ວັນທີ, 21/8, ຢູ່ສູນເຕັກໂລໂນຊີ GIZEF ຂຶ້ນກັບນະຄອນ Freiberg, ເມືອງເອກ ແຂວງ Mittelsaschen, ລັດ Sachsen ຂອງສາທາລະນະລັດສະຫະພັນເຢັຍລະມັນ, ການນຳແຂວງ ແທງຮ໋ວາ(ຫວຽດນາມ) ແລະ ເມືອງເອກ ແຂວງ Mittelsaschen ເປີດຫ້ອງການຕາງໜ້າ ຂອງແຂວງແທງຮ໋ວາ ແລະ ລົງມາມໃນເອກະສານການຮ່ວມມືໄລຍະ 2014-2020 ຫຼາຍສະບັບ.
ກ່າວຄຳເຫັນທີ່ພິທີລົງນາມໃນເອກະສານການຮ່ວມມື 2 ຝ່າຍ, ທ່ານVolker Uhlig, ປະທານສະພາແຂວງ Mittelsaschen, ເນັ້ນໜັກເຖິງ: ຄວາມສາມາດບົ່ມຊ້ອນການຮ່ວມມືທີ່ໃຫຍ່ຫຼວງ ລະຫວ່າງ ແຂວງແທງຮ໋ວາ ແລະ Mittelsaschen. ທ່ານVolker Uhlig ຊີ້ແຈ້ງວ່າ: ເລື່ອງແຂວງແທງຮ໋ວາ ເປີດຫ້ອງການຕາງໜ້າຢູ່ GIZEF ກໍ່ຄື 2 ຝ່າຍລົງນາມໃນບັນດາເອກະສານການຮ່ວມມືເປັນຂີດໝາຍແຫ່ງບາດກ້າວພັດທະນາໃໝ່ໃນການພົວພັນ 2 ຝ່າຍ, ເປີດກາລະໂອກາດທັງແມ່ນຄວາມຮັບຜິດຊອບໃນການຮ່ວມມື ລະຫວ່າງ 2 ຝ່າຍກ່ວາອີກ.
ທ່ານມາຍວັນນີງ, ກຳມະການສູນກາງພັກ, ເລຂາຄະນະພັກແຂວງ, ປະທານສະພາປະຊາຊົນແຂວງ ແທງຮ໋ວາ, ໃຫ້ຮູ້ວ່າ: ການເປີດຫ້ອງການ, ລົງນາມໃນບັນດາເອກະສານການຮ່ວມມືຮອບດ້ານ ກັບ ແຂວງ Mittelsaschen ແມ່ນໜຶ່ງໃນບັນດາຍຸດທະສາດພັດທະນາ ຂອງແຂວງແທງຮ໋ວາ ແລະ ແມ່ນບາດກ້າວຫັນການຮ່ວມມື 2 ຝ່າຍທີ່ໄດ້ຜັນຂະຫຍາຍແຕ່ປີ 2013 ເປັນລະອຽດ. ທ່ານ ມາຍວັນນີງ ປາດຖະໜາວ່າການນຳກໍ່ຄືບັນດານັກລົງທຶນ 2 ແຂວງສືບຕໍ່ຜັນຂະຫຍາຍບັນດາຂໍ້ຕົກລົງທີ່ໄດ້ລົງນາມຢ່າງມີປະສິດທິຜົນ ແລະ ແຕ່ລະປີດຳເນີນການຕີລາຄາ ເພື່ອຖອດຖອນບົດຮຽນ, ເພີ່ມເຕີມບັນດາບັນຫາໃໝ່.