ໄລຍະທີ່ສອງແຕ່ປີ 2014 – 2017 ແລະ ຜັນຂະຫຍາຍແຜນການຂອງພະແນກສາທາລະນະສຸກປະຕິບັດຄຳສັ່ງຂອງຄະນະເລຂາສູນກາງພັກກອມມູນິດ ຫວຽດນາມ ກ່ຽວກັບວຽກງານແກ້ໄຂຜົນຮ້າຍຢ້ອນຫຼັງຈາກທາດພິດເຄມີໂດຍອາເມລິກາ ນຳໃຊ້ໃນສົງຄາມຢູ່ ຫວຽດນາມ ໄລຍະ  2017 – 2020. ທີ່ກອງປະຊຸມ, ທ່ານຮອງລັດຖະມົນຕີກະຊວງ ສາທາລະນະສຸກ ຫງວຽນວຽດຕ໋ຽນ ຢືນຢັນວ່າ: ຕ້ອງຮັກສາ ແລະ ທະວີຄຸນຮູບແບບການກວດພົບໄວ, ຫາວິທີແກ້ໄຂໄວໃນກໍລະນີພິການສຳລັບເດັກນ້ອຍທີ່ມີອາຍຸຕ່ຳກ່ວາ 6 ປີ, ຈັດຕັ້ງ ແລະ ຜັນຂະຫຍາຍໂຄງການຟື້ນຟູສະມັດຕະພາບໂດຍອີງໃສ່ຊຸມຊົນເປັນຢ່າງດີ. ທ່ານຮອງລັດຖະມົນຕີ ຫງວຽນວຽດຕ໋ຽນ ສະເໜີວ່າ: ຂະແໜງສາທາລະນະສຸກ ແລະ ບັນດາຫົວໜ່ວຍກ່ຽວຂ້ອງເພີ່ມທະວີການໜູນຊ່ວຍຜູ້ປະສົບເຄາະຮ້າຍ ແລະ ຄົນພິການໄດ້ຊົມໃຊ້ກັບບັນດາການບໍລິການກວດ, ປິ່ນປົວ ແລະ ຟື້ນຟູສະມັດຕະພາບຢູ່ບັນດາຮາກຖານການແພດ. ຄຽງຄູ່ກັນນັ້ນ, ຕ້ອງຈັດຕັ້ງການຄຸ້ມຄອງສຸຂະພາບ ແລະ ການຊົມໃຊ້ການບໍລິການສາທາລະນະສຸກ, ປະກັນສຸຂະພາບ, ປ້ອງກັນພະຍາດໃຫ້ປະຊາຊົນຢູ່ບັນດາຈຸດທີ່ອັນຕະລາຍກ່ຽວກັບການຕິດເຊື້ອຈາກທາດພິດເຄມີ…