(vovworld) - ວັນທີ 04/03, ຢູ່ນະຄອນຫຼວງວຽງຈັນ, ສະຖານທູດຫວຽດນາມ ປະຈຳລາວ ໄດ້ຈັດກອງປະຊຸມກັບສະມາຄົມໃຫຍ່ຊາວຫວຽດນາມ ອາໄສຢູ່ລາວ ແລະ ຄະນະບໍລິຫານງານສະມາຄົມຊາວຫວຽດນາມ ອາໄສຢູ່ລາວ ເພື່ອແນໃສ່ບູລະນະການຈັດຕັ້ງ, ສ້າງຂະບວນການທີ່ໝັ້ນຄົງເຂັ້ມແຂງ. ທ່ານເອກອັກຄະລັດຖະທູດຫວຽດນາມ ປະຈຳລາວ ຫງວຽນແມ້ງຮຸ່ງ ສະເໜີໃຫ້ສະມາຄົມບູລະນະການຈັດຕັ້ງໂດຍໄວ; ບັນດາການເຄື່ອນໄຫວຕ້ອງປະຕິບັດຕາມກົດລະບຽບ, ເປີດເຜີຍ, ກະຈ່າງແຈ້ງ ແລະ ໃຫ້ພໍ່ແມ່ປະຊາຊົນຮູ້; ສະເໜີໃຫ້ສະມາຄົມໃຫຍ່ ກະກຽມໃຫ້ແກ່ກອງປະຊຸມໃຫຍ່ຄັ້ງທີ 2 ເປັນຢ່າງດີ. ທ່ານເອກອັກຄະລັດຖະທູດ ຫງວຽນແມ້ງຮຸ່ງ ໃຫ້ຮູ້ວ່າ ຈະເລືອກເອົາ 27 ຄາດໝາຍບຳລຸງສ້າງຢູ່ຫວຽດນາມ ໃຫ້ແກ່ລູກຫຼານຊາວຫວຽດນາມ ອາໄສຢູ່ລາວ; ກໍ່ສ້າງໂຮງຮຽນສາມັນ ຫງວຽນຢູ ຢູ່ນະຄອນຫຼວງວຽງຈັນ ເປັນໂຮງຮຽນ 2 ພາສາ ຫວຽດນາມ - ລາວ.