(ພາບ:baomoi.com)
(vovworld): ຕອນບາຍວັນທີ 17/1, ຢູ່ຮ່າໂນ້ຍ, ທ່ານຮິງດາມ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ເປັນປະທານຮັບເອົາຄຳເຫັນປະກອບຂອງຜູ້ຕາງໜ້າຊາວຫວຽດນາມ ອາໃສຢູ່ຕ່າງປະເທດທີ່ປະກອບໃສ່ຮ່າງລັດຖະທຳມະນູນປີ 1992 ສະບັບປັບປຸງ. ບັນດາຄຳເຫັນທີ່ກອງປະຊຸມປາດຖະໜາວ່າ, ລັດຖະທຳມະນູນຄັ້ງນີ້ຈະກຳນົດຢ່າງຈະແຈ້ງບົດບາດ, ທີ່ຕັ້ງ, ຜົນປະໂຫຍດ ແລະ ພັນທະຂອງຊາວຫວຽດນາມ ອາໃສຢູ່ຕ່າງປະເທດ, ການປົກປ້ອງຂອງລັດເມື່ອເຂົາເຈົ້າກັບເມືອລົງທຶນພາຍໃນປະເທດ. ທ່ານຫງວຽນຕາຍເຟືອງ, ສະມາຄົມຊາວຫວຽດນາມ ອາໃສຢູ່ອາເມລິກາ ສະເໜີໃຫ້ລັດ ຕ້ອງປົກປ້ອງສິດຜົນປະໂຫຍດທີ່ຊອບທຳໃຫ້ແກ່ຊາວຫວຽດນາມ ເມື່ອເຂົາເຈົ້າກັບເມືອລົງທຶນພາຍໃນປະເທດ:
“ຂ້າພະເຈົ້າສະເໜີວ່າ, ລັດຕ້ອງປົກປ້ອງຊາວຫວຽດນາມ ອາໃສຢູ່ຕ່າງປະເທດທີ່ເຂົ້າຮ່ວມການຄົ້ນຄ້ວາ, ພັດທະນາວິທະຍາສາດເຕັກໂນໂລຊີ, ການລົງທຶນ ແລະ ສ້າງສາ ແລະ ພັດທະນາປະເທດຊາດ. ສິ່ງດັ່ງກ່າວໄດ້ຢັ້ງຢືນຄວາມຕັດສິນໃຈຂອງລັດໃນການປົກປ້ອງສິດຜົນປະໂຫຍດຂອງບັນດາຜູ້ທີ່ມີການປະກອບສ່ວນຕໍ່ປະເທດຊາດ“