ຍົກເລີກການຈັດງານມະຫາກຳກິລາຄົນພິການ ອາຊີຕາເວັນອອກສ່ຽງໃຕ້ຄັ້ງທີ 10
(VOVWORLD) -ຟີລິບປິນ ໂດຍເປັນປະເທດເຈົ້າພາບຈັດຕັ້ງງານມະຫາກຳກິລາຄົນພິການ ອາຊີຕາເວັນອອກສ່ຽງໃຕຄັ້ງທີ 10 (ASEAN ParaGame 10), ໄດ້ປະກາດຍົກເລີກການຈັດຕັ້ງເຫດການດັ່ງກ່າວຢ່າງເປັນທາງການ.
ການຕັດສິນໄດ້ວາງອອກພາຍຫຼັງຄະນະກຳມະການກິລາຟີລິບປິນ (PSC) ປະກາດໂຈະບັນດາການເຄື່ອນໄຫວກິລາທັງໝົດຢູ່ຟີລິບປິນຊົ່ວຄາວ ໃນຊຸມເດືອນທີ່ຍັງເຫຼືອຂອງປີ 2020 ຍ້ອນສະພາບການສັບສົນຂອງໂລກລະບາດ Covid – 19.
ເບື້ອງຕົ້ນ, ງານມະຫາກຳກິລາມີກຳນົດ ຈັດຕັ້ງຂຶ້ນໃນເດືອນມັງກອນ ປີ 2020 ແຕ່ວ່າ ຕ້ອງເລື່ອນວັນເວລາຈັດຕັ້ງໄປຍັງເດືອນມີນາ ປີ 2020 ຍ້ອນຄວາມຫຍຸ້ງຍາກດ້ານການເງິນ ແລະ ສາຍເຫດດ້ານເຕັກນິກ. ຫຼັງຈາກນັ້ນ, ງານມະຫາກຳກິລາໃຫຍ່ທີ່ສຸດໃນພາກພື້ນ ສຳລັບບັນດານັກກິລາຄົນພິການພັດສືບຕໍ່ເລື່ອນວັນເວລາຈັດຕັ້ງເປັນຄັ້ງທີ 2 ຍ້ອນບັນດາຄວາມວິຕົກກັງວົນກ່ຽວກັບໂລກລະບາດ Covid – 19.