ທູດພິເສດຂອງອາເມລິກາ ກ່ຽວກັບ ສປປ.ເກົາຫຼີ ກະກຽມໄປຢ້ຽມຢາມ ຈີນ, ສ.ເກົາຫຼີ ແລະ ຍີ່ປຸ່ນ
ທ່ານ Glynn Davies
(ພາບ: AFP)
(vovworld)- ການໄປປະຕິບັດງານຢູ່ສາມປະເທດຈີນ, ສ.ເກົາຫຼີ ແລະ ຍີ່ປຸ່ນ.ຂອງທ່ານ Glynn Davies ທູດພິເສດຂອງອາເມລິກາ ຜູ້ຮັບຜິດຊອບບັນດາຫານິວເຄຼຍຂອງ ສປປ.ເກົາຫຼີ ໃນອາທິດໜ້າ ເພື່ອແນໃສ່ຈຸດຜະສົງປຶກສາຫາລືກ່ຽວກັບຫຼາຍຫົວເລື່ອງ, ໃນນັ້ນມີເລື່ອງຈະເຊື່ອມຕໍ່ການເຈລະຈາ 6 ຝ່າຍຄືນໃໝ່. ທ່ານ Glynn Davies ຈະໄປປັກກິງ ໃນວັນທີ 27-28/1 ເພື່ອພົບປະກັບເຈົ້າໜ້າທີ່ປະເທດເຈົ້າພາບ, ໃນນັ້ນມີທ່ານ ຫວູຕາເຫວີຍ ທູດພິເສດຂອງຈີນ ກ່ຽວກັບແຫຼມເກົາຫຼີ. ທ່ານ Glynn Davies ຈະແມ່ນຜູ້ຕາງໜ້າຂອງອາເມລິກາ ເຂົ້າຮ່ວມການເຈລະຈາ 6 ຝ່າຍກ່ຽວກັບບັນຫາປອດນິວເຄຼຍຂອງ ສປປ.ເກົາຫຼີ ໂດຍຈີນເປັນປະທານຖ້າຫາກວ່າການເຈລະຈາໄດ້ຮັບການເຊື່ອມຕໍ່ຄືນໃໝ່. ຕໍ່ຈາກນັ້ນ, ທ່ານ Glynn Davies ຈະມີໜ້າຢູ່ເຊີອຸນ ໃນວັນທີ 29-30/1 ເພື່ອພົບປະກັບທ່ານ Cho Tae Young ຫົວໜ້າຄະນະຜູ້ຕາງໜ້າ ສ.ເກົາຫຼີ ຢູ່ຮອບເຈລະຈາ 6 ຝ່າຍ ແລະ ແມ່ນຜູ້ຕາງໜ້າພິເສດຮັບຜິດຊອບບັນດາບັນຫາຄວາມສະຫງົບປອດໄພ ແລະ ສັນຕີພາບໃນແຫຼມເກົາຫຼີ. ທ່ານ Glynn Davies ຈະເດີນທາງໄປໂຕກຽວ ໃນວັນທີ 30/1 ເພື່ອພົບປະກັບຄູ່ຮ່ວມຕຳແໜ່ງຍິ່ປຸ່ນ, ທ່ານ Junichi Ihara ຫົວໜ້າກົມບັນດາບັນຫາອາຊີ-ປາຊີຟິກ ຂອງກະຊວງການຕ່າງປະເທດຍິ່ປຸ່ນ./.