ທ່ານ Hassan Rowhani ໄດ້ສະບານຕົວຮັບດຳລົງຕຳແໜ່ງ
ເປັນປະທານາທິບໍດີ ຢູ່ສະພາແຫ່ງຊາດອີຣານ
(ພາບອີນເຕີແນດ)
(vovworld) - ວັນທີ 04 ສິງຫາ, ທ່ານ Hassan Rowhani ໄດ້ສະບານຕົວຮັບດຳລົງຕຳແໜ່ງເປັນປະທານາທິບໍດີ ຢູ່ສະພາແຫ່ງຊາດອີຣານ ຢ່າງເປັນທາງການ. ທ່ານປະທານາທິບໍດີ Hassan Rowhani ອາຍຸ 64 ປີ, ແມ່ນ ບາດຫຼວງນິຍົມແນວທາງປະຕິຮູບ. ໃນບົດກ່າວປາໄສທີ່ພິທີສະບານຕົວຮັບດຳລົງຕຳແໜ່ງ, ທ່ານປະທານາທິບໍດີຄົນໃໝ່ Hassan Rowhani ເນັ້ນໜັກເຖິງຈຸດໝາຍໃນອາຍຸການຄັ້ງນີ້ແມ່ນ ປັບປຸງຊີວິດການເປັນຢູ່ຂອງປະຊາຊົນ, ໄປຄຽງຄູ່ກັບການຍຸບເລີກສະພາບໂດດດຽວແນໃສ່ອີຣານ ຜ່ານບັນດາຄຳສັ່ງລົງໂທດຂອງບັນດາປະເທດຝ່າຍຕາງເວັນຕົກ. ກ່ຽວຂ້ອງເຖິງໂຄງການນິວເຄຼຍ ພວມກໍ່ຄວາມໂຕ້ຖຽງກັນຂອງອີຣານ, ທ່ານປະທານາທິບໍດີ Hassan Rowhani ຖືວ່າ ການເຈລະຈາ ແລະ ບໍ່ຈັດວາງການລົງໂທດ ແມ່ນວິທີ່ໜຶ່ງດຽວເພື່ອພົບປະກັບອີຣານ ອີ່ງບົນພື້ນຖານສະເໝີພາບ, ສ້າງຄວາມໄວ້ເນື້ອເຊື່ອໃຈ, ເຄົາລົບເຊິ່ງກັນ ແລະ ກັນ ແລະ ຫຼຸດຜ່ອນຄວາມເປັນປໍລະປັກ. ທ່ານປະທານາທິບໍດີ Hassan Rowhani ຢືນຢັນວ່າ ບໍ່ສາມາດນຳໃຊ້ບັນດາມາດຕະການລົງໂທດ ແລະ ນາບຂູ່ສົງຄາມເປັນເຄື່ອງມືເພື່ອກໍ່ຄວາມກົດດັນສຳລັບອີຣານ.
ແລະກໍໃນວັນດຽວກັນ, ພາຍຫຼັງພິທີສະບານຕົວຮັບດຳລົງຕຳແໜ່ງ ປະທານາທິບໍດີຄົນທີ 7 ຂອງອີຣານ, ທ່ານ Hassan Rowhani ໄດ້ປະກາດບັນຊີລາຍຊື່ສະມາຊິກລັດຖະບານໃໝ່ ເຊິ່ງລວມມີບັນດານັກການເມືອງທີ່ມີປະສົບການ. ຕາມຂໍ້ກຳນົດ, ທ່ານປະທານາທິບໍດີຄົນໃໝ່ ມີເວລາ 2 ອາທິດ ເພື່ອກະກຽມສະເໜີບັນຊີລາຍຊື່ສະມາຊິກລັດຖະບານໃໝ່. ການກະທຳດັ່ງກ່າວຂອງທ່ານ Hassan Rowhani ຖືກຖືວ່າແມ່ນເພື່ອປະຕິບັດຄຳໝັ້ນສັນຍາໃນການຫາສຽງເລືອກຕັ້ງ ແມ່ນກອບກູ້ເອົາພື້ນຖານເສດຖະກິດຊຸດໂຊມຍ້ອນຖືກຜົນສະທ້ອນຢ່າງຮ້າຍແຮງຈາກຄຳສັ່ງລົງໂທດຂອງຝ່າຍຕ່າເວັນຕົກ ຈັດວາງ ຍ້ອນໂຄງການນິວເຄຼຍ ທີ່ກໍ່ຄວາມໂຕ້ຖຽນກັນຂອງອີຣານ, ພ້ອມທັງໃຫ້ຄຳໝັ້ນສັນຍາມຸ່ງໄປເຖິງນະໂຍບາຍການຕ່າງປະເທດ ທີ່ຖືລັກສະນະສ້າງສາກັບສາກົນ. ສະພາແຫ່ງຊາດອີຣານມີເວລາ 10 ວັນ ເພື່ອພິຈາລະນາບັນຊີລາຍຊື່ສະມາຊິກລັດຖະບານໃໝ່, ແຕ່ວົງການນັກຂ່າວອີຣານ ໃຫ້ຮູ້ວ່າ ບັນດາສະມາຊິກສະພາແຫ່ງຊາດ ໄດ້ກຽມພ້ອມການປ່ອນບັດໃນໄລຍະ 10 ອາທິດ ຫຼື ໄວກວ່າ. ໃນຈຳນວນບັນດາຜູ້ອອກສະໝັກຮັບເລືອກຕັ້ງຫຼັກແຫຼ່ງມີອະດີດນັກການທູດ Mohammad Javad Zarif ດ້ວຍຕຳແໜ່ງເປັນລັດຖະມົນຕີການຕ່າງປະເທດ, ອະດີດລັດຖະມົນຕີກະຊວງນ້ຳມັນ Bijan Namdar Zanganeh ຮັບດຳລົງຕຳແໜ່ງເປັນຜູ້ນຳໜ້າຂະແນງນ້ຳມັນຄືນໃໝ່.