(VOVWORLD) - ຕອນບ່າຍວັນທີ 22 ພຶດສະພາ, ທີ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ເປັນປະທານກອງປະຊຸມຄະນະປະຈຳລັດຖະບານກ່ຽວກັບສະພາບການ, ແງ່ຫວັງ ແລະ ບັນດາມາດຕະການດຶງດູດການລົງທຶນຕ່າງປະເທດຮັບມືກັບບັນດາສິ່ງທ້າທາຍທົ່ວໂລກ ຍ້ອນໂລກລະບາດໂຄວິດ-19 ກໍ່ຂຶ້ນ.
 ທ່ານນາຍົກລັດຖະມົນຕີ ຫງວຽນຊວັນຟຸກ ເປັນປະທານກອງປະຊຸມຄະນະປະຈຳລັດຖະບານ (ພາບ: VGP) |
ບັນດາຄຳເຫັນທີ່ກອງປະຊຸມຖືວ່າ: ຜ່ານການພົບປະ, ຊອກຮູ້ ບັນດານັກລົງທຶນລ້ວນແຕ່ສະແດງຄວາມເຊື່ອໝັ້ນ, ຖືຫວຽດນາມ ແມ່ນສະຖານທີ່ປອດໄພ, ມີບັນດາທ່າໄດ້ປຽບຕ້ອນຮັບກະແສເງິນລົງທຶນ ພາຍຫລັງໂຄວິດ-19. ປັດຈຸບັນ ມີ 4 ຂົງເຂດ ຊື່ງບັນດາກຸ່ມບໍລິສັດຕ່າງປະເທດມີທ່າອ່ຽງເຄື່ອນຍ້າຍເຂົ້າມາ ຫວຽດນາມ ແມ່ນເຕັກໂນໂລຊີຂໍ້ມູນຂ່າວສານ ແລະ ເຕັກໂນໂລຊີສູງ, ອຸປະກອນເອເລັກໂຕນິກ, ການຄ້າເອເລັກໂຕນິກ ແລະ logistic, ສິນຄ້າບໍລິໂພກ ແລະ ການຂາຍຍ່ອຍ.
ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ຫງວຽນຊວັນຟຸກ ຊີ້ແຈ້ງວ່າ: ຄວນມີຈິນຕະນາການໃໝ່, ບັນດາຂະແໜງ, ທ້ອງຖິ່ນຕ້ອງໄປລັດຮັບເອົາໜ້າການລົງທຶນໃໝ່ນີ້. ພ້ອມທັງ ດຶງດູດການລົງທຶນທີ່ມີການເລືອກເຟັ້ນ, ມຸ່ງໄປສູ່ບັນດາກຸ່ມບໍລິສັດນາໆຊາດຂະໜາດໃຫຍ່, ເຕັກໂນໂລຊີສູງ, ທັນສະໄໝ, ເປັນມິດກັບສິ່ງແວດລ້ອມ.
ທ່ານນາຍົກລັດຖະມົນຕີ ຫງວຽນຊວັນຟຸກ ເນັ້ນໜັກວ່າ: ການດຶງດູດການລົງທຶນເຕັກໂນໂລຊີສູງຈາກຕ່າງປະເທດ, ມູນຄ່າເພີ່ມຂະໜາດໃຫຍ່ ແມ່ນທິດເດີນທີ່ຈຳເປັນ, ແຕ່ໄປຄຽງຄູ່ກັນນັ້ນ ແມ່ນສືບຕໍ່ສ້າງເງື່ອນໄຂໃຫ້ແກ່ທຸກພາກສ່ວນເສດຖະກິດ, ເປັນຕົ້ນແມ່ນເອກະຊົນ, ລົງທຶນທຳມາຫາກິນຢູ່ ຫວຽດນາມ.