ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຕ້ອນຮັບ ທ່ານນາງ Margot Wallstrom (ພາບ: TTXVN)

ທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ສະແດງຄວາມຊົມເຊີຍ ທ່ານ ນາງ ລັດຖະມົນຕີ ແລະ ຄະນະວິສາຫະກິດ ຊູແອັດ ມາຢ້ຽມຢາມ ຫວຽດນາມ. ທ່ານ ໃຫ້ຮູ້ວ່າ ປີ 2019 ສອງປະເທດຈະສະເຫຼີມສະຫຼອງ 50 ປີ ແຫ່ງວັນສ້າງສາຍພົວພັນທາງການທູດ, ທ່ານນາຍົກລັດຖະມົນຕີ ສະເໜີ ກະຊວງການຕ່າງປະເທດສອງປະເທດຮ່ວມມືກັນ, ຈັດຕັ້ງບັນດາເຫດການໃຫ້ສຳເລັດ, ໃນນັ້ນມີການແລກປ່ຽນຄະນະຜູ້ແທນຂັ້ນສູງ, ຈັດຕັ້ງບັນດາສັບປະດາສາຍຮູບເງົາ, ສັບປະດາວັດທະນະທຳ, ກອງປະຊຸມສຳມະນາໂຄສະນາເຜີຍແຜ່ການຄ້າ, ການລົງທຶນ ແລະ ການທ່ອງທ່ຽວ, ຮັດແໜ້ນນ້ຳໃຈຮັກແພງລະຫວ່າງປະຊາຊົນສອງປະເທດ.

        ທ່ານນາຍົກລັດຖະມົນຕີ ສະເໜີ ຊູແອັດ ຊຸກຍູ້ EU ລົງນາມ ແລະ ໃຫ້ສັດຕະຍາບັນສັນຍາການຄ້າເສລີ ຫວຽດນາມ - EU ໂດຍໄວ, ສ້າງຄວາມສະດວກໃຫ້ວິສາຫະກິດສອງຝ່າຍໄດ້ຮ່ວມມືກັນ ແລະ ເປີດກວ້າງການລົງທຶນດຳເນີນທຸລະກິດ.

        ສ່ວນ ທ່ານ ນາງ ລັດຖະມົນຕີ Margot Wallstrom ຢັ້ງຢືນວ່າ ຊູແອັດ ປາຖະໜາຢາກເປັນເພື່ອນມິດທີ່ດີ, ເປັນຄູ່ຮ່ວມມືທີ່ໄວ້ເນື້ອເຊື່ອໃຈຂອງ ຫວຽດນາມ, ປາຖະໜາຢາກປະກອບສ່ວນເຂົ້າໃນການພັດທະນາຂອງ ຫວຽດນາມ ໃນໄລຍະຈະມາເຖິງ.