ທ່ານນາຍົກລັດຖະມົນຕີ ອົດສະຕາລີ ຮຽກຮ້ອງຈັດການເລືອກຕັ້ງສະຫະລັດ ໃນເດືອນໜ້າ
(VOVWORLD) -ທ່ານນາຍົກລັດຖະມົນຕີ ອົດສະຕາລີ Scott Morrison ໄດ້ຮຽກຮ້ອງໃຫ້ຈັດຕັ້ງການເລືອກຕັ້ງທົ່ວສະຫະລັດໃນວັນທີ 21 ພຶດສະພາ ເພື່ອແນໃສ່ຊອກຫາອາຍຸການຕໍ່ໄປ, ໃນສະພາບການອິດທິພົນຊື່ສຽງຂອງທ່ານ ຖືກຫຼຸດລົງພາຍຫຼັງປະເທດຖືກຜົນສະທ້ອນຢ່າງໜັກໜ່ວງຈາກນ້ຳຖ້ວມ, ໄຟໄໝ້ປ່າ ແລະ ໂລກລະບາດໂຄວິດ -19 ມາເປັນເວລາ 3 ປີ.
 ທ່ານນາຍົກລັດຖະມົນຕີ ອົດສະຕາລີ Scott Morrison (ພາບ: TTXVN) |
ກ່າວຄຳເຫັນຕໍ່ວົງການນັກຂ່າວໃນວັນທີ 10 ເມສາ, ທ່ານນາຍົກລັດຖະມົນຕີ Scott Morrison ໄດ້ຖະແຫຼງວ່າ ການເລືອກຕັ້ງຄັ້ງນີ້ເພື່ອຜົນປະໂຫຍດຂອງຜູ້ມີສິດເລືອກຕັ້ງ, ຂອງປະເທດຊາດ ແລະ ອະນາຄົດຂອງປະເທດຊາດ. ທ່ານຍອມຮັບວ່າ ຊາວອົດສະຕາລີຕ້ອງຜ່ານຜ່າໄລຍະທີ່ເຕັມໄປດ້ວຍຄວາມຫຍຸ້ງຍາກ ແລະ ປະເທດຊາດຈະສືບຕໍ່ຕ້ອງປະເຊີນໜ້າກັບສິ່ງທ້າທາຍຫຼາຍຢ່າງໃນຊຸມປີຈະມາເຖິງ.
ລັດຖະບານ ຂອງທ່ານນາຍົກລັດຖະມົນຕີ Scott Morrison ພວມມານະພະຍາຍາມດຶງດູດການສະໜັບສະໜູນຂອງ ຜູ້ມີສິດເລືອກຕັ້ງ 17 ລ້ານຄົນ. ໃນການຢັ່ງຫາງສຽງຫວ່າງມໍ່ໆມານີ້, ປັດຈຸບັນ ພັກເສລີ - ຊົນຊາດກຳອຳນາດຢູ່ ອົດສະຕາລີພວມຖືກຕົກຢູ່ທາງຫຼັງພັກແຮງງານຝ່າຍຄ້ານ, ເຖິງວ່າພື້ນຖານເສດຖະກິດຂອງປະເທດນີ້ ພວມຄ່ອຍໆຟື້ນຟູດ້ວຍອັດຕາວ່າງງານແມ່ນ 4% - ລະດັບຕ່ຳທີ່ສຸດໃນ 13 ປີຜ່ານມາ.