(vovworld) – ຕອນບ່າຍວັນທີ 5/3, ທ່ານປະທານປະເທດຫວຽດນາມ ເຈືອງເຕີນຊາງ ໄດ້ລົງຢ້ຽມຢາມ ແລະ ເຮັດວຽກກັບພະນັກງານ, ນັກຮົບກົມຕຳຫຼວດທະເລຫວຽດນາມ. ຢູ່ທີ່ນີ້, ທ່ານປະທານປະເທດ ເຈືອງເຕີນຊາງ ເນັ້ນໜັກວ່າ: ເພື່ອປະຕິບັດບົດບາດໜ້າທີ່ເປັນຢ່າງດີ, ສ້າງກຳລັງຢ່າງໝັ້ນຄົງ, ຕຳຫຼວດທະເລຫວຽດນາມ ຄວນສົບທົບກັບກຳລັງທະເລຂອງຫວຽດນາມກ່ວາອີກ, ຍູ້ແຮງບັນດາການເຄື່ອນໄຫວກວດກາ, ເດັດດຽວປົກປັກຮັກສາສິດອະທິປະໄຕ, ສິດຕັດສິນອັນຖືກຕ້ອງ ຂອງຫວຽດນາມ, ຮັບປະກັນຄວາມປອດໄພໃຫ້ແກ່ບັນດາອົງການຈັດຕັ້ງ, ສ່ວນບຸກຄົນເຄື່ອນໄຫວຢ່າງຖືກຕ້ອງຕາມກົດໝາຍໃນເຂດທະເລຫວຽດນາມ, ປົກປັກຮັກສາຄວາມໝັ້ນຄົງຄວາມເປັນລະປຽບຮຽບຮ້ອຍ, ຄວາມປອດໄພ, ປົກປັກຮັກສາຊັບພະຍາກອນທຳມະຊາດ, ປ້ອງກັນ, ຕ້ານມົນລະຜິດສິ່ງແວດລ້ອມ, ສະກັດກັ້ນ, ຕໍ່ສູ້ຕ້ານບັນດາການກະທຳທີ່ລະເມີດກົດໝາຍໃນເຂດທະເລ. ຕຳຫຼວດທະເລຫວຽດນາມ ຄວນເປັນເຈົ້າການຍູ້ແຮງການຮ່ວມມືສາກົນ, ພິເສດແມ່ນກັບບັນດາປະເທດບ້ານໃກ້ເຮືອນຄຽງ, ດ້ວຍຈຸດໝາຍປົກປັກຮັກສາສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາລະຫວ່າງບັນດາປະເທດບົນພື້ນຖານກົດໝາຍສາກົນ. ທ່ານປະທານປະເທດ ເຈືອງເຕີນຊາງ ກໍຮຽກຮ້ອງໃຫ້ຕຳຫຼວດທະເລຫວຽດນາມ ເອົາໃຈໃສ່ວຽກງານໂຄສະນາເຜີຍແຜ່, ສືກສາກົດໝາຍໃຫ້ແກ່ປະຊາຊົນເຄື່ອນໄຫວບົນທະເລ ແລະ ພາຫະນະເຄື່ອນໄຫວໃນເຂດທະເລ ແລະ ໄຫຼ່ທະວີບຂອງຫວຽດນາມ ຢ່າງຖືກຕ້ອງຕາມກົດໝາຍ.