(ທ່ານປະທານສະພາແຫ່ງຊາດ ເຈິ່ນແທັງເໝີ້ນ ໄດ້ຕ້ອນຮັບທ່ານປະທານພັກປະຊາທິປະໄຕສ້າງລັດຖະທຳມະນູນ ຍີ່ປຸ່ນ (CDPJ) Noda Yoshihiko)

        ໂດຍສືບຕໍ່ບັນດາການເຄື່ອນໄຫວຢູ່ ຍີ່ປຸ່ນ, ວັນທີ 06 ທັນວາ, ຢູ່ນະຄອນຫຼວງ ໂຕກຽວ, ປະເທດ ຍີ່ປຸ່ນ, ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝີ້ນ ໄດ້ຕ້ອນຮັບທ່ານປະທານພັກປະຊາທິປະໄຕສ້າງລັດຖະທຳມະນູນ ຍີ່ປຸ່ນ (CDPJ) Noda Yoshihiko.

        ທີ່ການຕ້ອນຮັບ, ທ່ານປະທານສະພາແຫ່ງຊາດ ເຈິ່ນແທັງເໝີ້ນ ໃຫ້ຮູ້ວ່າ, ປະຈຸບັນ, ຍີ່ປຸ່ນ ພວມແມ່ນປະເທດໃຫ້ການອຸປະຖຳໜູນຊ່ວຍການພັດທະນາເປັນທາງການ (ODA) ໃຫຍ່ທີ່ສຸດໃຫ້ແກ່ ຫວຽດນາມ; ທ່ານປາດຖະໜາວ່າ, ທ່ານປະທານ Noda ຂົນຂວາຍແຫຼ່ງທຶນ ODA ລຸ້ນໃໝ່ໃຫ້ແກ່ ຫວຽດນາມ ເພື່ອຜັນຂະຫຍາຍບັນດາໂຄງການກໍ່ສ້າງພື້ນຖານໂຄງລ່າງຢູ່ ຫວຽດນາມ. ສ່ວນທ່ານ Noda Yoshihiko ຖືວ່າ, ດ້ວຍອັດຕາກຳລັງຜູ້ອອກແຮງງານໜຸ່ມທີ່ກວມເອົາສ່ວນຫຼາຍ ແລະ ອັດຕາຜູ້ອາຍຸສູງຢູ່ໃນລະດັບຕ່ຳ, ຫວຽດນາມ ສາມາດຮ່ວມມືກັບ ຍີ່ປຸ່ນ, ປະເທດມີຜູ້ອາຍຸສູງຢູ່ໃນລະດັບສູງ, ອັດຕາຜູ້ໃນເກນອາຍຸເຮັດວຽກໃນລະດັບຕ່ຳ, ເພື່ອສ້າງຮູບແບບສົມບູນ, ເພີ່ມເຕີມໃຫ້ແກ່ກັນ ແລະ ໜູນຊ່ວຍເຊິ່ງກັນແລະກັນທາງດ້ານແຫຼ່ງກຳລັງຜູ້ອອກແຮງງານ. ພ້ອມກັນນັ້ນ, ຍີ່ປຸ່ນ ມີທ່າແຮງດ້ານເຕັກນິກ, ເຕັກໂນໂລຊີ ແລະ ສາມາດໜູນຊ່ວຍ ຫວຽດນາມ ໃນການຜັນຂະຫຍາຍບັນດາໂຄງການ, ລາຍການມີຂອບຂະໜາດໃຫຍ່.