ທ່ານປະທານາທິບໍດີ ອາເມລິກາ ປະກາດໃຊ້ລັດຖະດຳລັດວ່າດ້ວຍການເພີ່ມທະວີການຄວບຄຸມການນຳໃຊ້ປືນຢ່າງເຄັ່ງຄັດ
(VOVWORLD) -ວັນທີ 14 ມີນາ, ທ່ານປະທານາທິບໍດີ ອາເມລິກາ Joe Biden ໄດ້ປະກາດໃຊ້ລັດຖະດຳລັດວ່າດ້ວຍການເພີ່ມທະວີການກວດກາຊີວະປະຫວັດຂອງຜູ້ຊື້ປືນ. ນີ້ແມ່ນການກະທຳຫຼ້າສຸດໃນນະໂຍບາຍຄວບຄຸມການນຳໃຊ້ປືນ ເຊິ່ງລັດຖະບານປະເທດນີ້ຖືວ່າ ຮອບດ້ານທີ່ສຸດ ໂດຍບໍ່ຕ້ອງໄດ້ຮັບການຮັບຮອງເອົາຈາກສະພາແຫ່ງຊາດ.
 ທ່ານປະທານາທິບໍດີ ອາເມລິກາ Joe Biden (ພາບ: Reuters) |
ເນື້ອໃນຫຼັກໆຂອງລັດຖະດຳລັດສະບັບນີ້ ແມ່ນສຸມໃສ່ການເປີດກວ້າງຂອບເຂດການກວດກາຊີວະປະຫວັດຜູ້ຊື້ປືນ ເພື່ອແນໃສ່ສະກັດກັ້ນອາດຊະຍາກອນ ຫຼືບັນດາເປົ້າໝາຍທີ່ມີການກະທຳທາລຸນນຳໃຊ້ປືນ, ລັດຖະດຳລັດດັ່ງກ່າວກໍຮຽກຮ້ອງໃຫ້ຮ້ານຈຳໜ່າຍປືນທີ່ໄດ້ຮັບອະນຸຍາດແລ້ວ ກໍຕ້ອງປະຕິບັດຂັ້ນຕອນການກວດກາຊີວະປະຫວັດກໍຄືຂໍ້ສະແນະສຳລັບບຸກຄົນທີ່ນອນໃນເປົ້າໝາຍຕ້ອງກວດກາຊີວະປະຫວັດ ຢ່າງຄົບຖ້ວນ. ນອກຈາກນັ້ນແລ້ວ, ລັດຖະດຳລັດສະບັບນີ້ກໍເລັ່ງໃສ່ກຸ່ມບໍລິສັດຜະລິດປືນຢູ່ ອາເມລິກາ ເມື່ອຮຽກຮ້ອງຄະນະກຳມະການການຄ້າສະຫະລັດ ຕີລາຄາການເຄື່ອນໄຫວໂຄສະນາປືນໃຫ້ປະຊາຊົນ ອາເມລິກາ, ນັບທັງເປົ້າໝາຍທີ່ເປັນເດັກທີ່ຍັງບໍ່ທັນເຖິງກະສຽນອາຍຸອີກດ້ວຍ.