ທ່ານ ຟ້າມບິ່ງມິງ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມກ່າວຄຳເຫັນທີ່ກອງປະຊຸມ

ບົດລາຍງານດ້ານການເມືອງໄດ້ສະເໜີທີ່ກອງປະຊຸມໃຫຍ່ ສະແດງໃຫ້ເຫັນວ່າ ໄທງວຽນ ຢືນອັນດັບ 1 ໃນ 14 ແຂວງພູດອຍທາງພາກເໜືອ ຫວຽດນາມ ກ່ຽວກັບການສ້າງຊົນນະບົດໃໝ່, ຢືນຢູ່ອັນດັບທີ 4 ໃນທົ່ວປະເທດກ່ຽວກັບມູນຄ່າການຜະລິດອຸດສາຫະກຳ. ເສດຖະກິດມີການເຕີບໂຕໄວ (ກ່ວາ 11%/ປີ), ລາຍຮັບງົບປະມານເພີ່ມຂຶ້ນ 2 ເທົ່າເມື່ອທຽບໃສ່ໄລຍະຕົ້ນອາຍຸການ. ເຖິງຢ່າງໃດກໍ່ຕາມ, ການພັດທະນາຂອງທ້ອງຖິ່ນຍັງບໍ່ທັນມີລັກສະນະແບບຍືນຍົງ. ກ່າວຄຳເຫັນຊີ້ນຳກອງປະຊຸມ, ທ່ານ ຟ້າມບິ່ງມິງ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ໃຫ້ຮູ້ວ່າ:

 “ຕ້ອງຖືການເຊື່ອມຕໍ່ເຂດເປັນສຳຄັນເພື່ອສ້າງກຳລັງໜູນໃຫ້ແກ່ການພັດທະນາ, ສ້າງສາແຂວງໄທງວຽນພັດທະນາຢ່າງໄວວາ ແລະ ຍືນຍົງ, ມີໂຄງປະກອບພື້ນຖານໂຄງລ່າງຄົບຊຸດ. ສືບຕໍ່ສ້າງໂຄງປະກອບຂະແໜງກະສິກຳຄືນໃໝ່ຕາມທິດຍົກສູງມຸນຄ່າເພີ່ມ ແລະ ພັດທະນາແບບຍືນຍົງ. ການຜະລິດກະສິກຳແບບປອດໄພ, ກະສິກຳອົງຄະທາດ, ນຳໃຊ້ເຕັກໂນໂລຢີສູງ. ພັດທະນາເສດຖະກິດລວມໝູ່, ສະຫະກອນ. ປະຕິບັດການຮ່ວມມືເຊື່ອມຕໍ່ການຜະລິດລະຫວ່າງວິສາຫະກິດ, ສະຫະກອນ ແລະ ຄອບຄົວຜະລິດກະສິກຳໃນການຜະລິດ, ປຸງແຕ່ງ ແລະ ຈຳໜ່າຍຜະລິດຕະພັນ. ຮັກສາ ແລະ ຍົກສູງເຄື່ອງໝາຍການຄ້າ ຊາ ໄທງວຽນ”