ທ່ານຮອງນາຍົກລັດຖະມົນຕີຫວຽດນາມ ເວືອງດິ່ງເຫວ້ ກ່າວຄໍາເຫັນທີ່ການເຮັດວຽກ

ຕອນບ່າຍວັນທີ 28 ກຸມພາ, ທ່ານຮອງນາຍົກລັດຖະມົນຕີຫວຽດນາມ ເວືອງດິ່ງເຫວ້ ໄດ້ມີການເຮັດວຽກກັບກະຊວງການເງິນ ແລະ ບັນດາກະຊວງ, ຂະແໜງການ ກ່ຽວກັບສະພາບການເງິນຂອງບັນດາວິສາຫະກິດທີ່ມີເງິນລົງທຶນຈາກຕ່າງປະເທດ (FDI) ຢູ່ຫວຽດນາມ; ປັດຈຸບັນນະໂຍບາຍບຸລິມະສິດພາສີອາກອນ ແລະ ການເງິນ ສໍາລັບບັນດາການເຄື່ອນໄຫວລົງທຶນຕ່າງປະເທດ ຢູ່ຫວຽດນາມ. ທີ່ການເຮັດວຽກ, ທ່ານຮອງນາຍົກລັດຖະມົນຕີ ເວືອງດິ່ງເຫວ້ ຖືວ່າ ຫວຽດນາມ ຄວນມີກົນໄກກວດກາວິສາຫະກິດ FDI, ສົ່ງເສີມເຂົາເຈົ້າເພີ່ມທຶນ, ຫຼຸດຈໍານວນທຶນກູ້ຢືມ... ສ້າງລະບົບຖານຂໍ້ມູນແຫ່ງຊາດ ແບ່ງປັນຂໍ້ມູນ FDI ຈາກຂັ້ນຕອນຈົດທະບຽນ, ລົງທຶນເປີດກວ້າງ, ລາຍໄດ້, ຄ່າໃຊ້ຈ່າຍ; ລະບົບສະເພາະໃນການກວດກາພາສີອາກອນ.

        ຕາມທ່ານຮອງນາຍົກລັດຖະມົນຕີ ເວືອງດິ່ງເຫວ້ ແລ້ວ, ເປົ້າໝາຍໃນໄລຍະຈະມາເຖິງ ແມ່ນສືບຕໍ່ເພີ່ມທະວີການດຶງດູດເງິນລົງທຶນຈາກຕ່າງປະເທດ ແຕ່ຕ້ອງມີການກໍານົດທິດ, ມີການເລືອກເຟັ້ນ, ດັ່ງນັ້ນ ເລື່ອງສ້າງນະໂຍບາຍບຸລິມະສິດຕ້ອງເຮັດແນວໃດເພື່ອຮັບປະກັນບຸລິມະສິດໃຫ້ນັກລົງທຶນ ແຕ່ຍັງຮັບປະກັນແຫຼ່ງລາຍຮັບງົບປະມານ; ດຶງດູດເງິນລົງທຶນຕາມຂະແໜງການ, ຂົງເຂດ, ສົ່ງເສີມລະບົບຮ່ວມສໍາພັນລະຫວ່າງ ວິສາຫະກິດພາຍໃນ ແລະ ວິສາຫະກິດຕ່າງປະເທດ, ແກ້ໄຂບັນດາຂໍ້ຕິດຂັດໃນປັດຈຸບັນ.