(VOVWORLD) -ເນື່ອງໃນໂອກາດສະເຫຼີມສະຫຼອງ 110 ປີແຫ່ງວັນຄ້າຍວັນເກີດທ່ານ ຫງວຽນດຶກແກງ, ເຊິ່ງແມ່ນໜຶ່ງບັນດາການນຳອາວຸໄສທີ່ດີເດັ່ນຂອງພັກກອມມູນິດຫວຽດນາມ (02 ກຸມພາ 1908 – 02 ກຸມພາ 2018)
 (ທ່ານເລຂາທິການໃຫຍ່ຫງວຽນຟຸຈ້ອງຢ້ຽມຢາມແລະເຮັດວຽກຢູ່ແຂວງທ໋າຍບິ່ງ) |
ຕອນບ່າຍວັນທີ 01 ກຸມພາ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸຈ້ອງ ໄດ້ໄປຖະຫວາຍທູບທຽນ, ດອກໄມ້ຢູ່ເຂດອານຸສອນສະຖານຫາທ່ານ ຫງວຽນດຶກແກງ, ຢູ່ເທດສະບານເມືອງ ຢຽມດ່ຽນ, ເມືອງ ທ໋າຍຖຸຍ, ແຂວງ ທ໋າຍບິ່ງ.
ເມື່ອເຮັດວຽກກັບຄະນະປະຈຳພັກແຂວງ ແລະ ພະນັກງານຫຼັກແຫຼ່ງແຂວງທ໋າຍບິ່ງ, ທ່ານເລຂາທິການໃຫຍ່ ຫງວຽນຟຸຈ້ອງ ເຊື່ອໝັ້ນວ່າ, ໃນໄລຍະຈະມາເຖິງ, ອົງຄະນະພັກ, ປະຊາຊົນທ໋າຍບິ່ງ ສືບຕໍ່ເສີມຂະຫຍາຍມູນເຊື້ອປະຫວັດສາດ ແລະລົງເລິກດ້ານວັດທະນະທຳ, ປຸກລຸກບັນດາຄວາມສາມາດບົ່ມຊ້ອນ, ທ່າແຮງຂອງທ້ອງຖິ່ນ, ສືບຕໍ່ບືນຕົວຂຶ້ນພັດທະນາຢ່າງແຮງກວ່າອີກ.
“ດ້ວຍບັນຍາກາດນີ້, ປາດຖະໜາວ່າ, ໃນໄລຍະຈະມາເຖິງແຂວງ ທ໋າຍບິ່ງ ຈະສືບຕໍ່ເສີມຂະຫຍາຍມູນເຊື້ອບ້ານເກີດເມືອງນອນແຫ່ງການປະຕິວັດ, ຂຸດຄົ້ນບັນດາທ່າແຮງ, ຄວາມສາມາດບົ່ມຊ້ອນໃຫ້ເປັນຢ່າງດີເພື່ອພັດທະນາ. ຈາກແຂວງກະສິກຳທີ່ທຸກຍາກ, ເກືອບຄືວ່າບໍ່ມີຫຍັງ, ແຕ່ດ້ວຍກຳລັງແຮງມະຫາສາມັກຄີ, ກຳລັງແຮງທີ່ເປັນມູນເຊື້ອ, ລົງເລິກດ້ານວັດທະນະທຳ, ທ໋າຍບິ່ງ ໄດ້ບືນຕົວຂຶ້ນພັດທະນາຢ່າງແຮງ. ໂດຍແມ່ນແຂວງກະສິກຳ, ທ໋າຍບິ່ງ ຄວນຕ້ອງເອົາໃຈໃສ່ເປັນພິເສດເຖິງການພັດທະນາກະສິກຳປຸງແຕ່ງ, ໝູນໃຊ້ເຕັກໂນໂລຊີສູງ, ເພີ່ມທະວີການຜະລິດປຸງແຕ່ງເພື່ອສົ່ງອອກ. ແລະສິ່ງທີ່ໜ້າຊື່ນຊົມອີກນັ້ນແມ່ນລະຫວ່າງບັນດາເມືອງໃນແຂວງໄດ້ມີການພັດທະນາສະໝ່ຳສະເໝີພໍສົມຄວນ”.