ນັກຂ່າວ Weiwei ນັກຊ່ຽວຊານຄົ້ນຄ້ວາກ່ຽວກັບ ຫວຽດນາມ, ຫົວໜ້າພະແນກກະຈາຍສຽງພາກພາສາຫວຽດ - ວິທະຍຸກະຈາຍສຽງ ແລະ ໂທລະພາບສູນກາງ ຈີນ  (ພາບ: TTXVN)

ໂດຍຕອບສຳພາດຕໍ່ສື່ມວນຊົນ ຫວຽດນາມ ຫວ່າງແລ້ວນີ້, ນັກຂ່າວ Weiwei ນັກຊ່ຽວຊານຄົ້ນຄ້ວາກ່ຽວກັບ ຫວຽດນາມ, ຫົວໜ້າພະແນກກະຈາຍສຽງພາກພາສາຫວຽດ - ວິທະຍຸກະຈາຍສຽງ ແລະ ໂທລະພາບສູນກາງ ຈີນ (CMG), ໄດ້ຕີລາຄາສູງຜົນສຳເລັດໃນການພັດທະນາເສດຖະກິດ ແລະ ການພົວພັນຕ່າງປະເທດ ຫວຽດນາມໃນປີນີ້, ພ້ອມທັງຖືວ່າ ໃນປີ 2025 ເສດຖະກິດຫວຽດນາມ ຈະສືບຕໍ່ມີທ່າອ່ຽງພັດທະນາ ແລະ ຈະບັນລຸຜົນສຳເລັດທີ່ພົ້ນເດັ່ນກ່ວາ. ຕາມນັກຂ່າວ Weiwei ແລ້ວ, ຄາດວ່າ GDP ຂອງ ຫວຽດນາມ ໃນປີນີ້ຈະລື່ນກາຍຕົວເລກ 6,8% ແລະ ໃນປີ 2025 ຈະບັນລຸ 7%. ນັກຂ່າວ Weiwei ຕີລາຄາວ່າ ການຄາດຄະເນນີ້ຈະເຮັດໃຫ້ຕົວເລກເສດຖະກິດຂອງ ຫວຽດນາມ ພົ້ນເດັ່ນຂຶ້ນໃນວິວັດການຟື້ນຟູຂອງເສດຖະກິດທົ່ວໂລກ ນັບແຕ່ພາຍຫຼັງເກີດພະຍາດໂຄວິດ - 19. ທຸກຂົງເຂດການຄ້າ, ການທ່ອງທ່ຽວ, ການດຶງດູດເງິນລົງທຶນຈາກຕ່າງປະເທດ…ຂອງຫວຽດນາມ ລ້ວນແຕ່ບັນລຸໝາກຜົນທີ່ເປັນໜ້າຊື່ນຊົມ, ໃນນັ້ນ 9 ເດືອນຕົ້ນປີ ວົງເງິນການສົ່ງອອກນຳເຂົ້າຂອງ ຫວຽດນາມເພີ່ມຂຶ້ນ 16,3%ເມື່ອທຽບໃສ່ໄລຍະດຽວກັນຂອງປີ 2023, ການສົ່ງອອກເກີນດຸນເກືອບ 20,8 ຕື້ USD. ຕີລາຄາກ່ຽວກັບຜົນສຳເລັດດ້ານການພົວພັນຕ່າງປະເທດຂອງ ຫວຽດນາມ, ນັກຄົ້ນຄວ້າ ຖືວ່າປີ 2024 ວຽກງານການພົວພັນຕ່າງປະເທດຂອງຫວຽດນາມ ບັນລຸຜົນງານສຳຄັນ, ເຊິ່ງເຮັດໃຫ້ຜົນກະທົບຂອງຫວຽດນາມບົນເວທີສາກົນເພີ່ມຂຶ້ນຢ່າງຕໍ່ເນື່ອງ.