ນາຍົກລັດຖະມົນຕີ ຫງວຽນເຕີນຢູງ ອອກຄຳສັ່ງເລີ່ມລົງມື ກໍ່ສ້າງຂົວ ວ່າມກົ໋ງ
ນາຍົກລັດຖະມົນຕີ ຫງວຽນເຕີນຢູງ ອອກຄຳສັ່ງເລີ່ມລົງມືກໍ່ສ້າງຂົວ ວ່າມກົ໋ງ
(ພາບ: VGP/Nhật Bắc)
(vovworld) - ຕອນເຊົ້າວັນທີ 10/9, ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ເຂົ້າຮ່ວມພິທີເລີ່ມລົງມືກໍ່ສ້າງຂົວວ່າມກົ໋ງ, ຢູ່ເມືອງ ເລີບວໍ່ (Lấp vò), ແຂວງ ດົ່ງທາບ. ດ້ວຍຍອດຈຳນວນທຶນເກືອບ 5.700 ຕື້ດົ່ງຈາກແຫຼ່ງທຶນ ODA ບຸລິມະສິດຂອງລັດຖະບານ ສ ເກົາຫຼີ ແລະ ທຶນສົມທົບຂອງລັດຖະບານ ຫວຽດນາມ. ພາຍຫຼັງ 48 ເດືອນດຳເນີນກໍ່ສ້າງ, ຂົວ ວ່າມກົ໋ງ ດ້ວຍຄວາມຍາວເກືອບ 3 ກມ ຂ້າມຜ່ານແມ່ນ້ຳ ເຮົ້າ ຈະນຳເຂົ້າເຄື່ອນໄຫວ, ຂົວແຫ່ງນີ້ຈະເຊື່ອມຕໍແຂວງ ດົ່ງທາບ ກັບນະຄອນ ເກີ່ນເທີ, ເຊື່ອມຕໍ່ເຄືອຂ່າຍຄົມມະນາຄົມເຂດທົ່ງພຽງແມ່ນ້ຳຂອງ, ບໍ່ພຽງແຕ່ສ້າງກຳລັງໜູນພັດທະນາເສດຖະກິດ ສັງຄົມ ຫາກຍັງມີຄວາມໝາຍຍຸດທະສາດໃນການການປ້ອງກັນຊາດປ້ອງກັນຄວາມສະຫງົບ.
ກ່າວຄຳເຫັນນະພິທີ, ທ່ານນາຍົກລັດຖະມົນຕີ ຫງວຽນເຕີນຢູງ ເນັ້ນໜັກວ່າ: ໜຶ່ງໃນບັນດາຂອດບຸກທະລຸສຳຄັນເພື່ອໃຫ້ເຂດທົ່ງພຽງແມ່ນ້ຳຂອງພັດທະນາແບບຍືນຍົງ, ກາຍເປັນເຂດເສດຖະກິດຈຸດສຸມຂອງທົ່ວປະເທດ, ນັ້ນແມ່ນການລົງທຶນກໍ່ສ້າງພື້ນຖານໂຄງລ່າງ, ຄົບຊຸດ, ທັນສະໄໝ ເຊິ່ງກ່ອນອື່ນໝົດແມ່ນສຸມໃສ່ລົງທຶນພັດທະນາຄົມມະນາຄົມ ແລະ ພະລັງງານ. ທ່ານນາຍົກລັດຖະມົນຕີ ຫງວຽນເຕີນຢູງ ເນັ້ນໜັກວ່າ:
“ແຜນນະໂຍບາຍຂອງພັກ, ລັດໃນການ “ຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝ”, ໃນນັ້ນມີເຂດທົ່ງພຽງແມ່ນ້ຳຂອງ, ໃນໜຶ່ງໃນບັນດາຂອດບຸກທະລຸ, ແມ່ນການລົງທຶນກໍ່ສ້າງພື້ນຖານໂຄງລ່າງຄົບຊຸດ, ທັນສະໄໝ. ລັດຖະບານ ແລະ ບັນດາກະຊວງ, ຂະແໜງການສູນກາງຍາມໃດກໍ່ມານະພະຍາຍາມບົນຈິດໃຈດັ່ງກ່າວ. ນອກນັ້ນ, ບັນດາທ້ອງຖີ່ນ, ດ້ວຍກຳລັງພາຍໃນ ພ້ອມກັບກຳລັງຕ່າງໆ ຈະກໍ່ສ້າງບັນດາເສັ້ນທາງຕິດພັນກັບການກໍ່ສ້າງຊົນນະບົດໃໝ່... ກໍ່ສ້າງທາງຄົມມະນາຄົມຕ້ອງຕິດພັນກັບການພັດທະນາ, ວັດທະນະທຳ ແລະ ເສດຖະກິດ.”