( vovworld ) - ຕອນບ່າຍວັນທີ 1/8, ຢູ່ນະຄອນຫຼວງວຽງຈັນ, ທ່ານນາຍົກລັດຖະມົນຕີ ທອງສິງ ທຳມະວົງ ໄດ້ໃຫ້ການຕ້ອນຮັບຄະນະປະຕິບັດງານແຂວງຟູ໋ທໍ້, ໂດຍທ່ານ Hoang Dan Mac, ປະທານຄະນະກຳມະການປະຊາຊົນນຳໜ້າ. ທ່ານນາຍົກລັດຖະມົນຕີ ທອງສິງ ທຳມະວົງ ໄດ້ຮັບຮູ້ວ່າການຢ້ຽມຢາມຂອງການນຳຄະນະກຳມະການປະຊາຊົນແຂວງຟູ໋ທໍ້ ແມ່ນການຜັນຂະຫຍາຍແຜນນະໂຍບາຍຂອງລັດຖະບານສອງປະເທດຫວຽດນາມ - ລາວ ຢ່າງລະອຽດ, ສະແດງໃຫ້ເຫັນສາຍພົວພັນມິດຕະພາບພິເສດ, ການຮ່ວມມືຮອບດ້ານລະຫວ່າງພັກ, ລັດຖະບານ ແລະ ປະຊາຊົນສອງປະເທດ, ເພື່ອແນໃສ່ປັງປຸງ ແລະ ພັດທະນາສາຍພົວພັນໃຫ້ໝັ້ນຄົງ ແລະ ນັບມື້ນັບເຂົ້າສູ່ລວງເລິກ, ມີຄວາມໝາຍຢ່າງແທດຈິງຈາກຂັ້ນສູນກາງລົງຮອດບັນດາທ້ອງຖິ່ນຂອງສອງປະເທດ. ທ່ານນາຍົກລັດຖະມົນຕີລາວ ຫວັງວ່າ ແຂວງຟູ໋ທໍ້ ຈະຊ່ວຍບັນດາແຂວງຂອງລາວ ບຳລຸງສ້າງ ທີ່ມີຈຸດສຸມ, ຕອບສະໜອງຄວາມຕ້ອງການອັນແທດຈິງ ແລະ ຫວັງວ່າການຮ່ວມມືຂອງແຂວງຟູ໋ທໍ້ກັບບັນດາແຂວງພາກເໜືອຂອງລາວ ຄື້ ຫຼວງນ້ຳທາ ແລະ ອຸດົມໄຊ ຈະແມ່ນໜຶ່ງໃນບັນດາແບບຢ່າງທີ່ພົ້ນເດັ່ນຂອງສາຍ ພົວພັນແບບພິເສດ ແລະ ການຮ່ວມມືຮອບດ້ານຫວຽດນາມ - ລາວ ໃນຊຸມປີທີ່ຈະມາເຖິງ.