ເນື້ອໃນຈົດໝາຍ, ທ່ານນາຍົກລັດຖະມົນຕີໄດ້ຊີ້ແຈ້ງວ່າ: ບຸນປີໃໝ່ Chol Chnam Thmay ມີຄວາມໝາຍພິເສດ, ພໍ່ແມ່ປະຊາຊົນຊາວຂະແມ ຕ້ອນຮັບບຸນປີໃໝ່ ຈະມີຄວາມມຸ່ງຫວັງ ແລະ ຄວາມໄວ້ເນື້ອເຊື່ອໃຈຕໍ່ຄວາມໂຊກດີ, ຢູ່ເຢັນເປັນສຸກຕື່ມອີກ. ບຸນປີໃໝ່ Chol Chnam Thmay ປີນີ້ກົງກັນກັບຈຸດເວລາທີ່ໂລກລະບາດໂຄວິດ-19 ພວມຜັນແປຢ່າງສັບສົນ, ທົ່ວປະເທດພວມປະຕິບັດບັນດາມາດຕະການປ້ອງກັນ, ສະກັດກັ້ນໂລກລະບາດ, ຮັກສາສຸຂະພາບ, ຊີວິດອິນຊີຂອງປະຊາຊົນ, ຮັກສາຄວາມປອດໄພໃຫ້ທົ່ວວົງຄະນະຍາດ. ທ່ານນາຍົກລັດຖະມົນຕີ ຫງວຽນຊວັນຟຸກ ເຊື່ອໝັ້ນວ່າ ພໍ່ແມ່ປະຊາຊົນ, ບັນດາພະສົງສຳມະເນນ ແລະ ຊາວຂະແມທີ່ອາໄສຢູ່ຕ່າງປະເທດ ຈະສືບຕໍ່ເສີມຂະຫຍາຍມູນເຊື້ອຮັກຊາດ, ສາມັກຄີ, ຕັ້ງໜ້າຮ່ຳຮຽນ, ອອກແຮງງານທຳການຜະລິດ, ສູ້ຊົນຢ່າງບໍ່ຢຸດຢັ້ງ ເພື່ອຍາດໄດ້ຜົນງານອັນຍິ່ງໃຫຍ່ກ່ວາອີກ, ພ້ອມກັບທົ່ວປະເທດ ປະຕິບັດບັນດາເປົ້າໝາຍ, ໜ້າທີ່ພັດທະນາເສດຖະກິດ ແລະ ສັງຄົມທີ່ວາງອອກ ໄດ້ຢ່າງມີໄຊ. ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ອວຍພອນໃຫ້ພໍ່ແມ່ປະຊາຊົນ, ພະສົງສຳມະເນນ ແລະ ຊາວຂະແມ ອາໄສຢູ່ຕ່າງປະເທດ ຕ້ອນຮັບບຸນປີໃໝ່ Chol Chnam Thmay 2020 ໃນບັນຍາກາດທີ່ ເບີກບານມ່ວນຊື່ນ, ປອດໄພ ແລະ ມີຄວາມຜາສຸກ.