ນາຍົກລັດຖະມົນຕີຫງວຽນຊວນຟຸກອະນຸຍາດໃຫ້ນິງທ້ວນໄດ້ນຳໃຊ້ກົນໄກບຸລິມະສິດລົງທຶນສູງສຸດ
(ທ່ານນາຍົກລັດຖະມົນຕີ ຫງວຽນຊວນຟຸກ
(vovworld) - ຕອນເຊົ້າວັນທີ 26/08, ຢູ່ເມືອງ ນິງຫາຍ, ຄະນະກຳມະການປະຊາຊົນແຂວງ ນິງທ້ວນ ໄດ້ຈັດກອງປະຊຸມສົ່ງເສີມການລົງທຶນເຂົ້າແຂວງ, ດ້ວຍການເຂົ້າຮ່ວມຂອງນັກລົງທຶນພາຍໃນປະເທດ ແລະ ຕ່າງປະເທດນັບຮ້ອຍຄົນ. ເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຕີລາຄາວ່າ ແຂວງນິງທ້ວນ ມີທ່າແຮງແຕກຕ່າງກັນເມື່ອທຽບໃສ່ທ້ອງຖິ່ນອື່ນໆຂອງຫວຽດນາມ. ແຂວງມີຄວາມສາມາດບົມຊ້ອນອັນໃຫຍ່ຫຼວງກ່ຽວກັບການພັດທະນາພະລັງງານສະອາດ, ການທ່ອງທ່ຽວ. ທ່ານນາຍົກລັດຖະມົນຕີ ຮຽກຮ້ອງໃຫ້ຄະນະພັກ, ອຳນາດການປົກຄອງແຂວງ ຕ້ອງມີຈີນຕະນາການໃໝ່ ໃນການຄຸ້ມຄອງ, ສ້າງເງື່ອນໄຂສະດວກໃຫ້ວິສາຫະກິດ ແລະ ປະຊາຊົນ.
“ສະພາບແວດລ້ອມແຫ່ງການລົງທຶນຂອງນິງທ້ວນ ຍັງມີຫຼາຍສິ່ງເພື່ອສືບຕໍ່ພັດທະນາ. ດັດຊະນີແກ່ງແຍ້ງຂັ້ນແຂວງ ຂອງແຂວງໃນປີ 2015 ຢືນອັນດັບທີ 42/63 ແຂວງ, ນະຄອນ, ຕ່ຳກວ່າຫຼາຍເມື່ອທຽບໃສ່ບັນດາແຂວງໃກ້ຄຽງ. ເພາະສະນັ້ນ, ເພື່ອດຶງດູດບັນດານັກລົງທຶນຢ່າງຍາວນານ, ແຂວງຕ້ອງມີບັນດາຄຳໝັ້ນສັນຍາດ້ານນະໂຍບາຍຢ່າງຈະແຈ້ງຈາກຝ່າຍການນຳແຂວງ. ແຂວງກໍ່ຕ້ອງວາງອອກບັນດາຄຳໝັ້ນສັນຍາລະອຽດຂອງທ້ອງຖິ່ນສຳລັບບັນດານັກລົງທຶນຄືດັ່ງບາງແຂວງໄດ້ປະຕິບັດ. ສິ່ງນີ້ໄດ້ສ້າງຄວາມໄວ້ເນື້ອເຊື່ອໃຈ, ລະດົມກຳລັງໃຈຢ່າງໃຫຍ່ຫຼວງໃຫ່ນັກລົງທຶນ.”
ຄຽງຂ້າງນັ້ນ, ທ່ານນາຍົກລັດຖະມົນຕີ ໄດ້ຮຽກຮ້ອງໃຫ້ແຂວງ ຕ້ອງມີຮູບແບບເຊີດຊູວິສາຫະກິດ, ເພີ່ມຈຳນວນ ແລະ ຄຸນນະພາບວິສາຫະກິດຢ່າງໄວ. ທ່ານນາຍົກລັດຖະມົນຕີສະເໜີແຂວງ ຕ້ອງເອົາໃຈໃສ່ເຖິງການເຊື່ອມຕໍ່ເຂດ ເພື່ອເປີດກວ້າງການພັດມະນາໄລຍະຍາວໃຫ້ນິງທ້ວນ.