ພິທີມອບລາງວັນ Kovalevskaia ປີ 2021 (ພາບ: hoilhpn.org.vn)

ລາງວັນ Kovalevskaia ປີ 2021 ໄດ້ມອບໃຫ້ແກ່ທ່ານສາດສະດາຈານ, ປະລິນຍາເອກ ນາງ ຫງວຽນທິແທງມາຍ, ຮອງອະທິການບໍດີ, ມະຫາວິທະຍາໄລວິທະຍາສາດທຳມະຊາດ, ມະຫາວິທະຍາໄລແຫ່ງຊາດນະຄອນ ໂຮ່ຈີມິນ ແລະ ທ່ານ ສາດສະດາຈານ, ປະລິນຍາເອກ, ອາຈານຜູ້ດີເດັ່ນ ນາງ ຫງວຽນມິຖຸຍ, ອາຈານຂັ້ນສູງພາກວິຊາ ເຕັກໂນໂລຢີທັນຍາຫານ, ພະແນກກະສິກຳ, ສັງກັດມະຫາວິທະຍາໄລ ເກິ່ນເທີ, ຍ້ອນມີຜົນງານດີເດັ່ນໃນຂົງເຂດຄົ້ນຄວ້າວິທະຍາສາດເວົ້າລວມ ແລະ ການຄົ້ນຄວ້າວິທະຍາສາດທຳມະຊາດເວົ້າສະເພາະ. ທ່ານສາດສະດາຈານ, ປະລິນຍາເອກ ອາຈານຜູ້ດີເດັ່ນ ນາງ ຫງວຽນມິງຖຸຍ ແບ່ງປັນວ່າ:

“ຂ້າພະເຈົ້າຮູ້ສຶກເປັນກຽດທີ່ສຸດ ເມື່ອໄດ້ຮັບລາງວັນ Kovalevskaia ປີ 2021 ນີ້. ຂ້າພະເຈົ້າຄິດວ່າ ນີ້ແມ່ນບາດລ້ຽວຄັ້ງປະຫວັດສາດໃນຊີວິດຄົ້ນຄວ້າວິທະຍາສາດຂອງຂ້າພະເຈົ້າ. ໃນໄລຍະຈະມາເຖິງ, ຂ້າພະເຈົ້າຈະສືບຕໍ່ຊອກຫາຜະລິດຕະພັນກະເສດ ໂດຍບໍ່ສະເພາະແຕ່ຢູ່ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ຫາກອາດຈະຢູ່ໃນຂອບເຂດທົ່ວປະເທດເພື່ອພັດທະນາບັນດາຜະລິດຕະພັນປອດສານພິດ, ມີທາດບຳລຸງທີ່ດີຈາກບັນດາຜະລິດຕະພັນທີ່ເປັນເອກະລັກສະເພາະຂອງແຕ່ລະທ້ອງຖິ່ນ”.

ຜົນງານຂອງນັກວິທະຍາສາດສອງຄົນນີ້ເປັນຫຼັກຖານທີ່ຈະແຈ້ງໃຫ້ແກ່ຄວາມເກັ່ງກ້າສາມາດ, ຫົວຄິດປະດິດສ້າງ ແລະ ສະຕິປັນຍາຂອງນັກວິທະຍາສາດຍິງ ຫວຽດນາມ ໃນເສັ້ນທາງພິຊິດສິ່ງທີ່ຍອດຢ້ຽມຂອງວິທະຍາສາດ.