ບັນດາປະເທດແບ່ງປັນທັດສະນະຂອງຫວຽດນາມກ່ຽວກັບທະເລຕາເວັນອອກ
ທ່ານ ເຈືອງແມ້ງເຊີນ, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສສ ຫວຽດນາມ ແລະ ທ່ານລັດຖະມົນຕີການຕ່າງປະເທດ ສ. ເຊັກ Lubomír Zaorálek
(ພາບ: Hoàng Hải/Vietnam+)
(vovworld) – ວັນທີ 3/7, ໃນການພົບປະເຮັດວຽກຢູ່ Prague ກັບທ່ານ ເຈືອງແມ້ງເຊີນ, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສສ ຫວຽດນາມ, ທ່ານລັດຖະມົນຕີການຕ່າງປະເທດ ສ. ເຊັກ Lubomír Zaorálek ໄດ້ແບ່ງປັນທັດສະນະຂອງ ຫວຽດນາມ ແມ່ນແກ້ໄຂດ້ວຍເສັ້ນທາງສັນຕິພາບບັນດາການຂັດແຍ້ງກ່ຽວກັບເຂດນ່ານທະເລຢູ່ທະເລຕາເວັນອອກ ແລະ ເຄົາລົບສົນທິສັນຍາ ສປຊ ກ່ຽວກັບກົດໝາຍທະເລ. ທ່ານລັດຖະມົນຕີການຕ່າງປະເທດ Lubomír Zaorálek ໄດ້ສະແດງລັກສະນະຂອງ ສ. ເຊັກແມ່ນບໍ່ສະໜັບສະໜູນການນຳໃຊ້ກຳລັງອາວຸດ ແລະ ນາບຂູ່ນຳໃຊ້ອາວຸດ ເພື່ອແກ້ໄຂການຂັດແຍ້ງເຂດນ່ານທະເລຢູ່ທະເລຕາເວັນອອກ. ກ່ອນໜ້ານັ້ນ, ວັນທີ 26/6, ໃນວາລະປະຊຸມປະຈຳຂອງຄະນະກຳມະການ ອາຊຽນ ຢູ່ Prague ເຊິ່ງລວມມີເອກອັກຄະລັດຖະທູດ 5 ປະເທດ: ຫວຽດນາມ, ຟິລິບປິນ, ມາເລເຊຍ, ໄທ ແລະ ອິນໂດເນເຊຍ, ທ່ານເອກອັກຄະລັດຖະທູດ ເຈືອງແມ້ງເຊີນ ໄດ້ແຈ້ງໃຫ້ຊາບກ່ຽວກັບການກະທຳລ່ວງລ້ຳອະທິປະໄຕຂອງ ຫວຽດນາມ ແລະ ເກາະຜິດຈາກຝ່າຍ ຈີນ. ເອກອັກຄະລັດຖະທູດ ຟິລິບປິນ, ມາເລເຊຍ, ໄທ ແລະ ອີນໂດເນເຊຍ ໄດ້ແບ່ງປັນທັດສະນະຂອງ ຫວຽດນາມ ແມ່ນຕ້ອງແກ້ໄຂບັນດາການຂັດແຍ້ງກ່ຽວກັບເຂດນ່ານທະເລຢູ່ທະເລຕາເວັນອອກ ດ້ວຍເສັ້ນທາງເຈລະຈາສັນຕິພາບ, ບໍ່ສະໜັບສະໜູນການນຳໃຊ້ກຳລັງອາວຸດ ແລະ ລະເມີດກົດໝາຍສາກົນເພື່ອແກ້ໄຂການຂັດແຍ້ງ.