ບັນດາຜູ້ພິພາກສາ ອີຢິບ ຄັດຄ້ານລັດຖະດຳລັດ ໃໝ່ ຂອງປະທານາທິບໍດີ Morsi
ຊາວອີຢິບນັບພັນຄົນໄດ້ເຕົ້າໂຮມກັນຄັດຄ້ານລັດຖະດຳລັດ ໃໝ່ ຂອງປະທານາທິບໍດີ Mohamed Morsi (ພາບ: TTXVN)
|
Vovworld- ຜູ້ພິພາກສານັບຮ້ອຍຄົນຂອງອີຢິບໄດ້ໂຮມປະຊຸມວິສາມັນຂອງສະມັດຊາຢູ່ສານສູງສຸດໃນວັນວັນທີ 24/11 ເພື່ອປຶກສາຫາລືບັນດາມາດຕະການສຳລັບການປະກາດລັດຖະທຳມະນູນຂອງປະທານາທິບໍດີອີຢິບ Mohamed Morsi . ບັນດາຜູ້ພິພາກສາຖືວ່າການປະກາດດັ່ງກ່າວແມ່ນໄດ້ລວງເກີນສິດຍຸຕິທຳ ແລະ ເອກະລາດຂອງຕົນ ແລະ ຖືວ່າ ນີ້ແມ່ນການໂຈມຕີຕໍ່ສິດເອກະລາດດ້ານຍຸຕິທຳ. ໃນຂະນະນັ້ນ, ບັນດາຫ້ອງຫານໄອຍະການ ແລະ ສານຢູ່ບາງແຂວງໄດ້ທຳການນັດຢຸດງານເພື່ອຮຽກຮ້ອງປະທານາທິບໍດີຕ້ອງຖອນຄຳປະກາດລັດຖະທຳມະນູນຊຶ່ງໄດ້ປະກາດໃຊ້ເມື່ອວັນພະຫັດອາທິດແລ້ວນີ້. ຂ່າວຍັງໃຫ້ຮູ້ວ່າ ມີ 15 ພັກ ແລະ ກຸ່ມການເມືອງພວມຮຽກຮ້ອງໃຫ້ດຳເນີນການແຫ່ຂະບວນປະທ້ວງດ້ວຍຂອບຂະໜາດໃຫຍ່ໃນວັນທີ 27/11 ແນໃສ່ຄັດຄ້ານລັດຖະດຳລັດຂອງປະທານາທິບໍດີອີຢິບ Mohamed Morsi. ບັນດາພັກການເມືອງນີ້ກໍພວມຈັດຕັ້ງການປະທ້ວງດ້ວຍການນັ່ງຢູ່ບໍລິເວນສະໜາມຫຼວງຊຶ່ງມີການເຂົ້າຮ່ວມຂອງປະຊາຊົນນັບໝື່ນຄົນ. ໃນຂະນະນັ້ນ, ອົງການອ້າຍນ້ອງອິດສະລາມ ໄດ້ຮຽກຮ້ອງບັນດາສະມາຊິກຂອງຕົນເຂົ້າຮ່ວມການເດີນຂະບວນເພື່ອສະໜັບສະໜູນປະທານາທິບໍດີ Mohamed Morsi ແລະ ກ່າວຫາບັນດາຜູ້ຄັດຄ້ານການປະກາດລັດຖະທຳມະນູນສະບັບໃໝ່, ກໍຄືມີກົນອຸບາຍໂຄນລົ້ມລະບອບ.