ບັນດາມາດຕະການພັດທະນາບໍລິການ logistics ໃນແລວເສດຖະກິດຕາເວັນອອກ - ຕາເວັນຕົກ
ພິທີໄຂງານຕະຫຼາດນັດ ສາກົນການຄ້າ ແລະ ການທ່ອງທ່ຽວແລວເສດຖະກິດຕາເວັນອອກ - ຕາເວັນຕົກ
(ພາບ: tinmoi.vn)
(vovworld) - “ບັນດາມາດຕະການພັດທະນາບໍລິການ logistics, ການທ່ອງທ່ຽວ ແລະ ກາລະໂອກາດລົງທຶນໃນແລວເສດຖະກິດຕາເວັນອອກ - ຕາເວັນຕົກ” ແມ່ນຫົວຂໍ້ກອງກອງປະຊຸມສຳມະນາທີ່ນອນໃນຂອບເຂດງານຕະຫຼາດນັດສາກົນ ການຄ້າ ແລະ ການທ່ອງທ່ຽວແລວເສດຖະກິດຕາເວັນອອກ - ຕາເວັນຕົກ 2012, ເຊິ່ງຈັດຂຶ້ນຢູ່ ດ່າໜັງ. ທີ່ກອງປະຊຸມສຳມະນາ, ບັນດານັກຊ່ຽວຊານ ໄດ້ສະເໜີມີກອບກົດໝາຍ, ນະໂຍບາຍທີ່ເປັນເອກະພາບ ແລະ ເໝາະສົມໃຫ້ແລວເສດຖະກິດດັ່ງກ່າວ ແລະ ໃນການປະຕິບັດນະໂຍບາຍ, ຂຸດຄົ້ນ ແລະ ນຳໃຊ້ແລວເສດຖະກິດຕາເວັນອອກ - ຕາເວັນຕົກ (ຫຼື EWEC) ໂດຍໄວ..., ຮຽກຮ້ອງໃຫ້ມີການຮ່ວມມືຂອງບັນດາອົງການສາກົນໃນການທີ່ປຶກສາ, ອຸປະຖຳ ແລະ ພິເສດແມ່ນການລົງທຶນຂອງເຂດບໍ່ຂຶ້ນກັບລັດຖະບານ... ພ້ອມທັງຖືວ່າ: ບັນດາລັດຖະບານ, ບັນດາທ້ອງຖີ່ນ ໃນ EWEC ຫຼື ຢູ່ອ້ອມ EWEC ຄວນຄົ້ນຄ້ວາ ແລະ ເປັນເອກະພາບກັນໃນບັນດາໂຄງການພື້ນຖານໂຄງລ່າງສຳຮອງທີ່ຍັງຂາດເຂີນ ແລະ ຈຳເປັນໃຫ້ແກ່ການເຄື່ອນໄຫວຂອງ EWECໂດຍໄວ..., ຄວນມີການແບ່ງສິດໃຫ້ທຸກຂັ້ນໃນບາງຂົງເຂດ ແລະ ການເຄື່ອນໄຫວ, ສົມທົບກັນຢ່າງແໜ້ນແຟ້ນລະຫວ່າງບັນດາຄະນະ, ຂະແໜງການ ເພື່ອແນໃສ່ສ້າງເງື່ອນໄຂອຳນວຍຄວາມສະດວກໃຫ້ແກ່ການຈໍລະຈອນສິນຄ້າ ແລະ ຜູ້ໂດຍສານໃນທົ່ວແລວເສດຖະກິດຕາເວັນອອກ - ຕາເວັນຕົກ.