ປີ2016,ສືບຕໍ່ສົ່ງຄົນງານກວ່າ100.000ຄົນໄປເຮັດວຽກຢູ່ຕ່າງປະເທດ
(ພາບປະກອບ)
(vovworld) – ປີ 2016, ສືບຕໍ່ສົ່ງຄົນງານກວ່າ 100.000 ຄົນໄປເຮັດວຽກຢູ່ຕ່າງປະເທດ. ເພື່ອປະຕິບັດຄາດໝາຍນີ້, ກະຊວງແຮງງານ, ທະຫານເສຍອົງຄະ ແລະ ສັງຄົມ ສືບຕໍ່ຜັນຂະຫຍາຍບາງມາດຕະການແກ້ໄຂຄື: ເປີດກວ້າງຕະຫຼາດສົ່ງອອກຄົນງານ, ໂດຍສະເພາະແມ່ນຕະຫຼາດມີລາຍຮັບສູງ, ປອດໄພໃຫ້ຄົນງານ; ປັບປຸງ, ເພີ່ມເຕີມກົນໄກ, ນະໂຍບາຍຂອງແຜນຮ່າງໜູນຊ່ວຍບັນດາເມືອງທຸກຍາກຍູ້ແຮງການສົ່ງອອກຄົນງານ; ຍົກສູງກຳລັງຄວາມສາມາດຂອງວິສາຫະກິດມີບົດບາດໜ້າທີ່ສົ່ງຄົນງານໄປເຮັດວຽກຢູ່ຕ່າງປະເທດ… ທ່ານ ຕົ໋ງຫາຍນາມ, ຮອງຫົວໜ້າກົມຄຸ້ມຄອງຄົນງານຕ່າງປະເທດ, ກະຊວງແຮງງານ, ທະຫານເສຍອົງຄະ ແລະ ສັງຄົມໃຫ້ຮູ້ວ່າ.
“ກະຊວງແຮງງານ, ທະຫານເສຍອົງຄະ ແລະ ສັງຄົມໄດ້ສົມທົບກັບບັນດາກະຊວງ, ຂະແໜງການທີ່ກ່ຽວຂ້ອງ ປະຕິບັດຫຼາຍມາດຕະການເພື່ອເປີດກວ້າງຕະຫຼາດສົ່ງອອກຄົນງານ, ຕະຫຼາດຮັບຄົນງານຫວຽດນາມ. ພວກເຮົາກໍແລກປ່ຽນກັບບັນດາປະເທດ ເພື່ອເປີດກ້ວາງທັງວິຊາຊີບ ແລະ ຂົງເຂດຮັບຈ້າງຄົນງານ. ປະຈຸບັນ, ພວກເຮົາມີບາງຕະຫຼາດທີ່ເປັນມູນເຊື້ອຮັບຄົນງານຫວຽດນາມ, ແນ່ນອນວ່າ, ໃນໄລຍະຈະມາເຖິງຈະຮັກສາໄດ້ຄວາມໝັ້ນຄົງ ແລະ ປາດຖະໜາຢາກເປີດກວ້າງອັດຕາຢູ່ບັນດາຕະຫຼາດນັ້ນ.”