ປະຊາຄົມຊາວ ຫວຽດນາມ ອາໄສ ຢູ່ ອັງກິດ ແລະ ຝລັ່ງ ແບ່ງເບົາຜົນເສຍຫາຍກັບພໍ່ແມ່ພີ່ນ້ອງຊາວ ຫວຽດນາມ ຢູ່ ພາຍໃນ ປະເທດພາຍຫຼັງພາຍຸ Yagi
(VOVWORLD) - ຕໍ່ກັບຜົນເສຍຫາຍຢ່າງໃຫຍ່ຫຼວງຍ້ອນພາຍຸ Yagi ກໍ່ຂຶ້ນຢູ່ບັນດາແຂວງພາກເໜືອ, ປະຊາຄົມຊາວ ຫວຽດນາມ ອາໄສ ຢູ່ ອັງກິດ ໄດ້ປະຕິບັດຫຼາຍກິດຈະກຳຂົນຂວາຍແຜ່ບໍລິຈາກເພື່ອປະກອບສ່ວນໃດສ່ວນໜຶ່ງແບ່ງເບົາຄວາມຫຍຸ້ງຍາກ, ຜົນເສຍຫາຍເຊິ່ງພໍ່ແມ່ປະຊາຊົນຫວຽດນາມ ຢູ່ພາຍໃນປະເທດຕ້ອງປະເຊີນໜ້າພາຍຫຼັງພາຍຸ Yagi.
ໄລ່ຮອດທ້າຍເດືອນກັນຍາ, ບັນດາອົງການຈັດຕັ້ງ, ສະມາຄົມຊາວ ຫວຽດນາມ ອາໄສ ຢູ່ ອັງກິດ ແລະ ບາງອົງການຈັດຕັ້ງຂອງອັງກິດ ໄດ້ແຜ່ບໍລິຈາກເງິນຈຳນວນກວ່າ 82.000 USD ເພື່ອຊ່ວຍເຫຼືອພໍ່ແມ່ປະຊາຊົນຢູ່ເຂດຖືກຜົນເສຍຫາຍຈາກພາຍຸດັ່ງກ່າວ.
 ທ່ານ ຫງວຽນຫາຍນາມ, ປະທານ ສະມາຄົມ ABVietFrance ແບ່ງປັນກັບນັກຂ່າວສຳນັກຂ່າວສານ ຫວຽດນາມ (ພາບ: TTXVN) |
ໃນລະຫວ່າງວັນທີ 28 – 29 ກັນຍາ, ສະມາຄົມນັກທຸລະກິດ ຫວຽດນາມ ປະຈຳ ຝລັ່ງ ພ້ອມກັບຮ້ານສັບພະສິນຄ້າ ແທັງບິ່ງ Jeune ແລະ ຮ້ານອາຫານ ຫວຽດນາມ ຢູ່ ຝລັ່ງ ໄດ້ຈັດເຫດການຂາຍເຄື່ອງເພື່ອການກຸສົນ, ລະດົມປັດໄຈຊ່ວຍເຫຼືອຜູ້ປະສົບເຄາະຮ້າຍຈາກໄພທຳມະຊາດ. ເຫດການໄດ້ດຳເນີນໃນ 2 ວັນທ້າຍອາທິດນັ້ນ ໄດ້ດຶງດູດພໍ່ແມ່ພີ່ນ້ອງຊາວ ຫວຽດນາມ ອາໄສ ຢູ່ ຝລັ່ງເຂົ້າຮ່ວມເປັນຈຳນວນຫຼາຍ. ຈຳນວນເງິນທັງໝົດທີ່ເກັບມາໄດ້ຈາກເຫດການດັ່ງກ່າວ ທັງຕົ້ນທຶນ ແລະ ກຳໄລ ຈະໄດ້ເອົາໄປຊ່ວຍເຫຼືອຜູ້ປະສົບເຄາະຮ້າຍຈາກໄພທຳມະຊາດຢູ່ ຫວຽດນາມ.