ທ່ານປະທານປະເທດ ເຈີ່ນດ້າຍກວາງ

ເຂົ້າຮ່ວມເວທີປາໄສມີການນຳຂັ້ນສູງມາຈາກ 29 ປະເທດ ພ້ອມກັບເລຂາທິການໃຫຍ່ສະຫະປະຊາຊາດ, ປະທານທະນາຄານໂລກ (WB), ຜູ້ອຳນວຍການໃຫຍ່ກອງທຶນເງິນຕາສາກົນ (IMF) ແລະ ແຂກຖືກເຊີນປະມານ 1.500 ຄົນທີ່ມາຈາກກ່ວາ 130 ປະເທດ. ຄະນະຜູ້ແທນ ຫວຽດນາມ ໂດຍທ່ານປະທານປະເທດ ເຈີ່ນດ້າຍກວາງ ນຳໜ້າ ຊຶ່ງລວມມີການນຳບາງກະຊວງ, ຂະແໜງການ. ກ່າວຄຳເຫັນທີ່ພິທີໄຂເວທີປາໄສ, ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜີງ ເນັ້ນໜັກ   ວ່າ: ຈີນ ພ້ອມກັບຫລາຍປະເທດລົງນາມໃນສັນຍາຮ່ວມມື “ຂອບອ້ອມ ແລະ ແລວທາງ”, ໃນນັ້ນ ລວມມີບັນດາໂຄງການເຊື່ອມຈອດກ່ຽວກັບຄົມມະນາຄົມຂົນສົ່ງ, ພື້ນຖານໂຄງລ່າງ, ພະລັງງານ…ກໍ່ຄືບັນດາໂຄງການອື່ນໆອີກ… ຈີນຈະເລີ່ມດຳເນີນບັນດາໂຄງການນີ້ ໃນໄລຍະນີ້, ເພື່ອຈະໄດ້ຮັບໝາກຜົນໂດຍໄວ.