ປະທານປະເທດເຈືອງເຕີນຊາງມອບຂໍ້ຕົກລົງແຕ່ງຕັ້ງນັກໄອຍະການ
(ພາບ: ອົງການໄອຍະການປຊຊສູງສຸດ)
|
(vovworld) - ຕອນບ່າຍວັນທີ 18/5, ຢູ່ສຳນັກງານປະທານປະເທດ, ທ່ານປະທານປະເທດ ເຈືອງເຕີນຊາງ, ຫົວໜ້າຄະນະຊີ້ນຳການປະຕິຮູບດ້ານຕຸລາການສູນກາງ, ໄດ້ມອບຂໍ້ຕົກລົງແຕ່ງຕັ້ງນັກໄອຍະການອົງການໄອຍະການປະຊາຊົນສູງສຸດ 13 ທ່ານ. ທ່ານປະທານປະເທດ ຢືນຢັນວ່າ: ພັກ, ລັດ ແລະ ປະຊາຊົນ ຕີລາຄາສູງບົດບາດ, ທີ່ຕັ້ງ ແລະ ບັນດາການປະກອບສ່ວນຂອງຂະແໜງໄອຍະການປະຊາຊົນໃຫ້ແກ່ພື້ນຖານໄອຍະການສັງຄົມິຍົມ ຫວຽດນາມ ໄລຍະຜ່ານມາ, ພ້ອມທັງຝາກຝັງຄວາມໄວ້ເນື້ອເຊື່ອໃຈຕໍ່ຂະແໜງໄອຍະການປະຊາຊົນ ໃນໄລຍະທາງງພັດທະນາປະເທດຊາດຈະມາເຖິງ. ພິເສດ, ລັດຖະທຳມະນູນປີ 2013 ແລະ ກົດໝາຍວ່າອົງການໄອຍະການປະຊາຊົນ ປີ 2014 ໄດ້ວາງອອກຈຸດໝາຍໜ້າທີ່ສູງສຸດສຳລັບໄອຍະການປະຊາຊົນສູງສຸດ ແລະ ຕຳແໜ່ງນັກໄອຍະການ. ທ່ານປະທານປະເທດ ເຈືອງເຕີນຊາງ ຮຽກຮ້ອງບັນດາຜູ້ທີ່ໄດ້ຮັບແຕ່ງຕັ້ງເປັນນັກໄອຍະການອົງການໄອຍະການປະຊາຊົນສູງສຸດ ກ່ອນອື່ນໝົດຕ້ອງຈົ່ງຮັກພັກດີຕໍ່ລັດຖະທຳມະນູນ, ກົດໝາຍ, ສຸດຈິດສຸດໃຈເພື່ອຮັບໃຊ້ປະເທດຊາດ, ຮັບໃຊ້ປະຊາຊົນ, ປະຕິບັດໜ້າທີ່ ແລະ ສິດອຳນາດຂອງນັກໄອຍະການໂດຍລັດຖະທຳມະນູນ ແລະ ກົດໝາຍກຳນົດຢ່າງເຂັ້ມງວດ, ຮ່ຳຮຽນຍົກສູງລະດັບຄວາມຮູ້ຢ່າງບໍ່ຢຸດຢັ້ງ, ຝຶກຝົນຫຼໍ່ຫຼອມສົມບັດ ແລະ ຄຸນນະທາດເປັນປະຈຳ, ເຮັດຕາມຄຳສັ່ງສອນຂອງປະທານ ໂຮ່ຈີມິນ “ພະນັກງານໄອຍະການຕ້ອງ: ຍຸຕິທຳ, ພາວະວິໄສ, ລະມັດລະວັງ, ຄ່ຽມຄົມ”.