(vovworld) – ກອງປະຊຸມໃຫຍ່ຜູ້ແທນທະນາຍຄວາມທົ່ວປະເທດຄັ້ງທີ 2 , ອາຍຸການ 2014 – 2019 ຖືກໄຂຂຶ້ນໃນຕອນເຊົ້າວັນທີ 18/04, ຢູ່ຮ່າໂນ້ຍ. ເຂົ້າຮ່ວມ ແລະ ກ່າວຄຳເຫັນຊີ້ນຳ, ທ່ານປະທານປະເທດຫວຽດນາມ ເຈືອງເຕີນຊາງ ໄດ້ທົບທວນຄືນເນື້ອໃນມະຕິເລກທີ 49, ລົງວັນທີ 02/06/2005 ຂອງກົມການເມືອງ ກ່ຽວກັຍຸດທະສາດປະຕິຮູບຕຸລາການຮອດປີ 2020 ກຳນົດຄາດໝາຍ “ກໍ່ສ້າງພື້ນຖານຕຸລາການໃຫ້ປອດໄສ, ເຂັ້ມແຂງ, ປະຊາທິປະໄຕ, ເຂັ້ມງວດ, ປົກປ້ອງຄວາມຍຸຕິທຳ, ເຫັນເປັນທັນສະໄໝເທື່ອລະກ້າວ, ຮັບໃຊ້ປະຊາຊົນ ແລະ ປະເທດຊາດ”. ກ່າວຄຳເຫັນທີ່ກອງປະຊຸມ, ທ່ານປະທານປະເທດ ເຈືອງເຕິີນຊາງ ສະເໜີວ່າ.
“ສະຫະພັນທະນາຍຄວາມຫວຽດນາມ ຕ້ອງສົມທົບກັນຢ່າງແໜ້ນແຟ້ນກັບບັນດາອົງການຄຸ້ມຄອງລັດ, ສືບຕໍ່ປັບປຸງ, ບຸລະນະການຈັດຕັ້ງຈາກຂັ້ນສູນກາງລົງຮອດທ້ອງຖິ່ນໃຫ້ສົມບູນແບບ; ປ່ຽນໃໝ່, ຍົກສູງຄຸນນະພາບການເຄື່ອນໄຫວ; ປະຕິບັດລະບອບຄຸ້ມຄອງດ້ວຍຕົນເອງເປັນຢ່າງດີ… ທະນາຍຄວາມແຕ່ລະຄົນ ຕ້ອງມີສະຕິຕື່ນຕົວດ້ານວິຊາຊີບ, ເປັນແບບຢ່າງໃນການປະຕິບັດກົດໝາຍ, ຮໍ່າຮຽນ ແລະ ຍົກສູງຄຸນນະທາດດ້ານການເມືອງຢ່າງບໍ່ຢຸດຢັ້ງ ເພື່ອຕອບສະໜອງຄວາມຮຽກຮ້ອງຕ້ອງການຂອງປະເທດຊາດ, ໃຫ້ທັດທຽມກັບບັນດາທະນາຍຄວາມໃນໂລກ, ມີຄວາມສາມາດຢ່າງພຽງພໍ່ເພື່ອເຂົ້າຮ່ວມບັນດາອົງການຈັດຕັ້ງສາກົນ ແລະ ແກ້ໄຂບັນດາການຂັດແຍ້ງສາກົນ.”