ປະທານປະເທດເຈືອງເຕິ໋ນຊາງເຂົ້າຮ່ວມພິທີເປີດສະຫຼອງທ່າກຳ່ປັ່ນສາກົນກາມແຣງ
ປະທານປະເທດເຈືອງເຕິ໋ນຊາງເຂົ້າຮ່ວມພິທີເປີດສະຫຼອງທ່າກຳ່ປັ່ນສາກົນກາມແຣງ
(vovworld) - ຕອນເຊົ້າວັນທີ 8/3, ຢູ່ຖານທີ່ໝັ້ນການທະຫານ ກາມແຣງ, ເຫຼົ່າທັບເຮືອ ໄດ້ຈັດຕັ້ງພິທີ ເປີດສະຫຼອງທ່າກຳ່ປັ່ນສາກົນ ກາມແຣງ. ກ່າວຄວາມເຫັນນະພິທີ, ທ່ານປະທານປະເທດ ເຈືອງເຕິ໋ນຊາງ ຕີລາຄາສູງບັນດາຄວາມມານະພະຍາຍາມຂອງບໍລິສັດໃຫຍ່ທ່າກຳ່ປັ່ນ ໄຊງ່ອນ ແລະ ກຸ່ມບໍລິສັດນ້ຳມັນອາຍແກັສແຫ່ງຊາດ ຫວຽດນາມ, ພ້ອມກັບການຊ່ວຍເຫຼືອຂອງບັນດາກະຊວງ, ຄະນະ, ຂະແໜງການສູນກາງ, ກະຊວງປ້ອງກັນປະເທດ ແລະ ອົງຄະນະພັກ, ອຳນາດການປົກຄອງ, ປະຊາຊົນແຂວງ ແຄ໋ງຮ່ວາ ທີ່ມີຕໍ່ໂຄງການນີ້. ທ່ານປະທານປະເທດ ເຈືອງເຕິ໋ນຊາງ, ເນັ້ນໜັກວ່າ:
“ໂດຍຮັບຮູ້ແຈ້ງທີ່ຕັ້ງຍຸດທະສາດ ແລະ ຄວາມສາມາດບົ່ມຊ້ອນອັນໃຫຍ່ຫຼວງໃນພາລະກິດສ້າງສາ ແລະ ປົກປັກຮັກສາປະເທດຊາດ, ພັກ ແລະ ລັດ ຫວຽດນາມ ໄດ້ມີລາຍການພັດທະນາເສດຖະກິດທະເລ, ຕິດພັນກັບການຮັບປະກັນປ້ອງກັນຊາດ, ປ້ອງກັນຄວາມສະຫງົບ. ໃນນັ້ນມີແຜນນະໂຍບາຍຕ້ອງກໍ່ສ້າງທ່າກຳ່ປັ່ນ ກາມແຣງ ຢ່າງໄວເພື່ອກາຍເປັນເຂດບໍລິການເດີນທະເລ ແລະ ສະໜອງ, ສ້ອມແປງກຳ່ປັ່ນທະເລຂະໜາດໃຫຍ່ ແລະ ທັນສະໄໝ. ການກໍ່ສ້າງທ່າກຳ່ປັ່ນສາກົນ ກາມແຣງ ແມ່ນເພື່ອພັດທະນາປະເທດຊາດໃນສະພາບເຊື່ອມໂຍງກັບສາກົນຢ່າງເລິກເຊິ່ງ, ກວ້າງຂວາງ; ພ້ອມທັງປະຕິບັດແນວທາງການຕ່າງປະເທດເປີດກວ້າງ, ຫັນການພົວພັນກັບສາກົນເປັນຫຼາຍຮູບ, ຫຼາຍແບບ ແລະ ຫຼາຍຝ່າຍ“.