(vovworld) – ຕອນບ່າຍວັນທີ 30/6 ຢູ່ຮ່າໂນ້ຍ, ທ່ານປະທານສະພາແຫ່ງຊາດ ຫງວຽນຊິງຮຸ່ງ ໄດ້ໃຫ້ການຕ້ອນຮັບປະທານສະຫະສະມາຄົມບັນດາສະມາຄົມ UNESCO ໂລກ George Christophides ແລະ ຄະນະຜູ້ແທນສະຫະສະມາຄົມບັນດາສະມາຄົມ UNESCO ຫວຽດນາມ. ທ່ານປະທານສະພາແຫ່ງຊາດ ຫງວຽນຊິງຮຸ່ງ ໄດ້ອວຍພອນຜົນສຳເລັດຂອງກອງປະຊຸມສາກົນດ້ວຍຫົວເລື່ອງ “ສຶກສາຄຸນສົມບັດທົ່ວໂລກ ເພື່ອການພັດທະນາຢ່າງໝັ້ນຄົງ” ເຊິ່ງຫາກໍ່ຈັດຕັ້ງຢູ່ຮ່າໂນ້ຍ. ທ່ານປະທານສະພາແຫ່ງຊາດ ຫງວຽນຊິງຮຸ່ງ ຊົມເຊີຍສະຫະສະມາຄົມບັນດາສະມາຄົມ UNESCO ຫວຽດນາມ ໄດ້ມີຫົວຄິດປະດິດສ້າງໃນການສ້າງບັນດາມູນຖານໃໝ່ທີ່ກ່ຽວຂ້ອງເຖິງລະບົບພົວພັນ ແລະ ການປະພຶດຕໍ່ໃໝ່, ພື້ນຖານຄຸນສົມບັດທົ່ວໂລກ. ນັ້ນບໍ່ພຽງແຕ່ແມ່ນພື້ນຖານປະກອບສ່ວນຊຸກຍູ້ການພັດທະນາຢ່າງໝັ້ນຄົງເທົ່ານັ້ນ, ຫາກຍັງແມ່ນມາດຖານມະນຸດຊາດທີ່ເໝາະສົມກັບທ່າອ່ຽງຂອງຍຸກສະໄໝອີກດ້ວຍ. ທ່ານປະທານສະພາແຫ່ງຊາດສະເໜີວ່າສະຫະສະມາຄົມບັນດາສະມາຄົມ UNESCO ຫວຽດນາມ ຄວນສືບຕໍ່ໂຄສະນາພາບພົດປະເທດຊາດ ແລະ ຊາວຫວຽດນາມ ເຖິງເພື່ອນມິດສາກົນ.