(ການພົບປະກັບນັກສຶກສາລາວ ພວມຮ່ຳຮຽນຢູ່ແຂວງເຊີນລາ)

ທີ່ການພົບປະ, ທ່ານນາງປະທານສະພາແຫ່ງຊາດ ປານີ ຢາທໍ່ຕູ ໄດ້ຍ້ອງຍໍ ຊົມເຊີຍຈິດໃຈຮ່ຳຮຽນຂອງບັນດານັກສຶກສາລາວ ພວມຮ່ຳຮຽນຢູ່ເຊີນລາ, ປາດຖະໜາວ່າພວກນັກສຶກສາຈະມານະພະຍາຍາມເພື່ອບັນລຸໝາກຜົນດີທີ່ສຸດໃນການຮ່ຳຮຽນ, ກຳແໜ້ນ ແລະ ເຂົ້າໃຈແຈ້ງບັນດາຄວາມຮູ້ດ້ານວິຊາສະເພາະເພື່ອສືບທອດມູນເຊື້ອຂອງລຸ່ນພໍ່, ລຸ່ນອ້າຍປະກອບສ່ວນສ້າງສາປະເທດລາວ. ທ່ານນາງປະທານສະພາແຫ່ງຊາດ ປານີ ຢາທໍ່ຕູ້ ສະແດງຄວາມຫວັງວ່າ, ບັນດາກະຊວງ, ຂະແໜງການຂັ້ນສູນກາງຂອງຫວຽດນາມ ເວົ້າລວມ ແລະ ແຂວງເຊີນລາ ເວົ້າສະເພາະ ສືບຕໍ່ເອົາໃຈໃສ່, ສ້າງເງື່ອນໄຂສະດວກໃຫ້ບັນດາແຂວງຂອງລາວ ໃນວຽກງານບຳລຸງສ້າງແຫຼ່ງຊັບພະຍາກອນມະນຸດ; ຍົກສູງຄຸນນະພາບການບຳລຸງສ້າງໃຫ້ສົມກັບທ່າອ່ຽງພັດທະນາໃນຄືໃນປະຈຸບັນໃຫ້ດີກວ່າອີກ. ແຂວງເຊີນລາ ສືບຕໍ່ພັດທະນາການຮ່ວມມືໃນທຸກຂົງເຂດ, ໂດຍສະເພາະແມ່ນການສຶກສາ; ໃນນັ້ນເອົາໃຈໃສ່ເຖິງການລົງທຶນບຳລຸງສ້າງແຫຼ່ງຊັບພະຍາກອນມະນຸດໃຫ້ແກ່ຂົງເຂດກະສິກຳ ຊົນນະບົດ, ສ້າງຖັນແຖວພະນັກງານການແພດ ແລະ ບັນດາຂົງເຂດທີ່ກ່ຽວຂ້ອງໂດຍກົງເຖິງຊີວິດການເປັນຢູ່ຂອງປະຊາຊົນ.