(vovworld) – ຕອນ​ເຊົ້າ​ວັນ​ທີ 21/12, ທ່ານ​ປະທານາທິບໍດີ ອາ​ເມ​ລິ​ກາ Barack Obama ​ເປັນ​ປະທານ​ການ​ປະຊຸມ​ຂ່າວ​ທ້າຍ​ປີ, ຕີ​ລາຄາ​ການ​ເຄື່ອນ​ໄຫວ​ຕ່າງໆ​ຂອງ​ອາ​ເມ​ລິ​ກາ ​ໃນ​ປີຜ່ານມາ. ທ່ານ​ປະທານາທິບໍດີ Obama ​ໄດ້​ເປີດ​ສາກ​ບົດ​ກ່າວ​ປາ​​ໄສ​ທີ່​ການ​ປະຊຸມ​ຂ່າວ​ດ້ວຍ​ຂ່າວ​ຄາວ​ທີ່​ດີ​ຈາກ​ພື້ນຖານ​ເສດຖະກິດ ອາ​ເມ​ລິ​ກາ. ລະອຽດ​ຄື​ໃນ​ໄຕ​ມາດ​ທີ 3 ຜ່ານ​ມາ, ຍອດ​​ຜະລິດ​ຕະພັນ​ພາຍ​ໃນ (GDP) ຂອງ ອາ​ເມ​ລິ​ກາ ​ໄດ້​ເຕີບ​ໂຕ 4,1% - ​ເຊິ່ງ​ແມ່ນລະດັບ​ສູງ​ສຸດ​ໃນ​ຮອບ 2 ປີຜ່ານມາ. ທ່ານ​ປະທານາທິບໍດີ Barack Obama ຫວັງ​ວ່າ “ປີ 2014 ຄວນ​ແມ່ນປີ​ຂອງ​ການ​ເຄື່ອນ​ໄຫວ” ​ແລະ ​ໃຫ້​ຮູ້​ວ່າ​ຈະ​ພະຍາຍາມ​​ເພື່ອ​ແນ​ໃສ່​ຊ່ວຍ​ໃຫ້​ສະພາບ​ການ​ເງິນຂອງ​ປະ​ເທດ​ເປັນ​ປົກກະຕິ​ກ່ວາ, ຕະຫຼາດ​​ອະສັງ​ຫະລິ​ມະ​ຊັບໄດ້​ຮັບ​ການ​ປັບປຸງ, ​ເງິນ​ເດືອນ​ຂອງ​ຄົນ​ງານ​ກໍ່​ໄດ້ຮັບ​ການ​ປົວ​ແປງ​.​..​ ​ໃນ​ຊຸມ​ປີ​ຈະ​ມາ​ເຖິງ. ທ່ານ​ປະທານາທິບໍດີ Obama ກໍ່​ເນັ້ນ​ໜັກ​ຂໍ້​ຕົກລົງ​ງົບປະມານ​ໄລຍະ​ມໍ່ໆ​ມາ​ນີ້ ດ້ວຍ​ເລື່ອງ​ສະພາ​​ແຫ່ງ​ຊາດ ອາ​ເມ​ລິ​ກາ ຮັບຮອງ​ເອົາ​ແຜນ​ງົບປະມານ​ສົກ​ປີ 2014 – 2015 ​ແມ່ນ​ຫຼັກຸ​ຖານສະ​ແດງ​ໃຫ້​ເຫັນ 2 ພັກອາດ​ຈະ​ຮ່ວມ​ມື​ຫຼາຍ​ກ່ວາ​ອີກ. ທ່ານ​ປະທານາທິບໍດີ Obama ກໍ່​ສະ​ແດງ​ຄວາມ​ປະ​ເອີ​ບ​ໃຈ​ຕໍ່​ປີ​ໜ້າ, ຫວັງ​ວ່າ​ບັນດາ​ບັນຫາ​ຂອງ​ປີ 2013 ຈະ​ປ່ຽນ​ແປງ.