(vovworld) – ຢູ​ແກຼນ ຮຽກຮ້ອງ​ໃຫ້ ລັດ​ເຊຍ ຫລຸດຜ່ອນ​ລາຄາ​ອາຍ​ແກັດ ​ແທນ​ທີ​ເລື່ອງ​​ໃຊ້​ໜີ້​ແມ່ນ​ການ​ກະທຳ​ເຮັດ​ໃຫ້​ບັນຫາ​ນີ້​ຕົກ​ເຂົ້າ​ສູ່​ສະພາບ​ບໍ່​ມີ​ທາງ​. ທ່ານ​ປະທານາທິບໍດີ ລັດ​ເຊຍ Vladimir Putin ຍົກ​ອອກ​ຄຳ​ຖະ​ແຫຼ​ງດັ່ງກ່າ​ວທີ່​ກອງ​ປະຊຸມ​ກັບ​ບັນດາ​ສະມາ​ຊິກລັດຖະບານ​ເມື່ອ​ວັນ​ທີ 11/6.

    ກ່ອນ​ໜ້າ​ນັ້ນ, ມົດ​ສະ​ກູ ​ໄດ້ສະ​ເໜີ​ຫລຸດຜ່ອນ​ລາຄາ​ອາຍ​ແກັດ​ໃຫ້ ກີ​ແອບ​ ລົງ​ເຫຼືອ​ພຽງ 385 USD/1.000 ​​ແມັດ​ກ້ອນ, ​ແຕ່ ຢູ​ແກຼນ ​ໄດ້​ປະຕິ​ເສດ​ຂໍ້​ສະ​ເໜີ​ດັ່ງກ່າວ ​ແລະ ພວມ​ມານະ​ພະຍາຍາມ​ຊອກ​ຫາ​ການປ່ຽນ​​ແປງ​ຢ່າງ​ເປັນ​ທາງ​ການ​ທີ່​ກ່ຽວຂ້ອງ​ເຖິງອັດຕາ​ແລກປ່ຽນໃນ​ສັນຍາ​ລະຫວ່າງ 2 ຝ່າຍ. ທ່ານ​ປະທານາທິບໍດີ Putin ຖື​ວ່າ: ລັດ​ເຊຍ ດຳ​ເນີນ​ການ​ເຈລະຈາ​ອາຍ​ແກັດຢ່າງ​ກະຈ່າງ​ແຈ້ງ ​ແລະ ​ເປີດ​ເຜີຍ. ​ເລື່ອງ ລັດ​ເຊຍ ສະ​ເໜີ​ຫລຸດ​ລາຄາ​ອາຍ​ແກັດ​ແມ່ນ​ເພື່ອ​ແນ​ໃສ່​ໜູນ​ຊ່ວຍ​ພື້ນຖານ​ເສດຖະກິດ ຢູ​ແກຼນ ພວມ​ປະສົບ​ກັບ​ຄວາມ​ຫຍຸ້ງຍາກ. ​ເຖິງ​ຢ່າງ​ໃດ​ກໍ່ຕາມ, ຖ້າ​ຫາກ ກີ​ແອບ ປະຕິ​ເສດ​ຂໍ້​ສະ​ເໜີ​ດັ່ງກ່າວ, ລັດ​ເຊຍ ຈະ​ຫັນ​ໄປ​ສູ່ໄລຍະ​ໃໝ່​ເຊິ່ງ​ປະ​ເທດ​ນີ້​ບໍ່​ປາດ​ຖະໜາ. ທ່ານ Putin ​ກໍ່ໄດ້​ມອບ​ໜ້າ​ທີ່​ໃຫ້ລັ​ດ​ຖະບານ ລັດ​ເຊຍ ພິຈາລະນາ​​ເງື່ອນ​ໄຂ​ສະໜອງ​ອາຍ​ແກັດ​ໃຫ້ ຢູ​ແກຼນ ​ໃນ​​​ເວລາ​ກຳນົດຢ່າງ​ແນ່ນອນ.