(VOVWORLD) -ຕອນຄ່ຳວັນທີ 19 ຕຸລາ 2019, ຢູ່ສະຖານທີ່ຖ່າຍທຳກາງແຈ້ງ (ສະຖານີໂທລະພາບ ຫວຽດນາມ) ໄດ້ດຳເນີນງານປະກວດ Press Green Beauty 2019 ຮອບຊິງຊະນະເລີດ - ເຊິ່ງແມ່ນງານປະກວດຄວາມງາມທີ່ສະຫງວນໃຫ້ນັກຂ່າວ, ບັນນາທິການທີ່ເປັນເພດຍິງ ພວມປະຕິບັດງານ ຢູ່ບັນດາອົງການສື່ມວນຊົນໃນບໍລິເວນ ນະຄອນຮ່າໂນ້ຍ, ດ້ວຍສານທີ່ວ່າ “ເພື່ອສິ່ງແວດລ້ອມຂຽວແລະການກະທຳຂອງຜູ້ເຮັດວຽກງານສື່ມວນຊົນ”.
 ຜູ້ເຂົ້າປະກວດ ນາງຟ້າມງອັກຮ່າມີ (ປະຕິບັດງານຢູ່ ສະຖານີໂທລະພາບ ຫວຽດນາມ) ຍາດໄດ້ຕຳແໜ່ງນາງງາມ Press Green Beauty 2019 (ພາບ: VTV) |
ເຂົ້າຮ່ວມການປະກວດ ຜ່ານ 3 ພາກສ່ວນ: ສະແດງຊຸດເສື້ອຍາວ, ຊຸດລາຕີ, ຕອບຄຳຖາມ, ບັນດາຜູ້ເຂົ້າປະກວດໄດ້ສະແດງໃຫ້ເຫັນຄວາມງາມທາງຮູບຮ່າງ ແລະ ສະຕິປັນຍາ, ພ້ອມທັງສົ່ງສານກ່ຽວກັບສິ່ງແວດລ້ອມໄດ້ເປັນຢ່າງດີ.
ຜົນຂອງງານປະກວດ, ຜູ້ເຂົ້າປະກວດ ນາງຟ້າມງອັກຮ່າມີ (ປະຕິບັດງານຢູ່ ສະຖານີໂທລະພາບ ຫວຽດນາມ) ຍາດໄດ້ຕຳແໜ່ງນາງງາມ Press Green Beauty 2019, ທີ 2 ແມ່ນ ນາງຟ້າມຫວູມິງເຕິມ (ສະຖານີໂທລະພາບປ້ອງກັນຄວາມສະຫງົບນະຄອນຫຼວງ) ແລະ ທີ 3 ແມ່ນ ນາງມາຍບິກເຈິມ ( ໜັງສືພິມເອເລັກໂຕນິກ ເຢິນຈີ໊).
ແບ່ງປັນກ່ຽວກັບຄວາມໝາຍຂອງງານປະກວດ, ທ່ານ ໂງມິງຫ໋ຽນ, ຮອງຜູ້ອຳນວຍການໃຫຍ່ ວິທະຍຸກະຈາຍສຽງ ຫວຽດນາມ ຖືວ່າ:
ສຳລັບນັກຂ່າວ ພິເສດແມ່ນແມ່ຍິງ, ເຂົາເຈົ້າເປັນຜູ້ຂຽນ, ເປັນຜູ້ວິເຄາະວິຈານ, ນັກຂ່າວ, ບັນນາທິການ ໃນແຕ່ລະວັນ, ແຕ່ລະຊົ່ວໂມງ, ເຂົາເຈົ້າໄດ້ສົ່ງສານກ່ຽວກັບສິ່ງແວດລ້ອມ ລົງໃນບົດຂຽນຂອງຕົນ. ການຕິດພັດກັບງານປະກວດດ້ວຍສານປົກປັກຮັກສາສິ່ງແວດລ້ອມ ແມ່ນມີປະສິດທິຜົນທີ່ສຸດ ເພາະວ່າເຂົາເຈົ້າໄດ້ແຜ່ຂະຫຍາຍສານດັ່ງກ່າວໃຫ້ກ້ວາງຂວາງກ່ວາ ໂດຍ ຜ່ານຄື້ນກະຈາຍສຽງ, ໂທລະພາບ, ໜັງສືພິມ.
ການປະກວດນາງງາມ Press Green Beauty 2019 ໄດ້ຮັບການຮ່ວມເດີນທາງຂອງ ກຸ່ມບໍລິສັດ, ວິສາຫະກິດໃຫຍ່ຫຼາຍແຫ່ງຄື:
ຜູ້ອຸປະຖຳຫຼັກແມ່ນກຸ່ມບໍລິສັດ ປົວແຂ້ວ ເຟືອງແອັງ, ບໍລິສັດຫຸ້ນສ່ວນ ລົງທຶນ ທຽນຈ່ຽວ.
ຜູ້ອຸປະຖຳສຳຮອງຄື: ທະນາຄານກະສິກຳ ແລະ ພັດທະນາຊົນນະບົດ ຫວຽດນາມ (Agribank), ທະນາຄານການຄ້າຫຸ້ນສ່ວນຕ່າງປະເທດ ຫວຽດນາມ (Vietcombank), ບໍລິສັດ ການຄ້າ CP ສົ່ງອອກ - ນຳເຂົ້າ ແບັກຟຸກ, ບໍລິສັດຫຸ້ນສ່ວນເຕັກໂນໂລຢີໃໝ່ Leskin ຫວຽດນາມ, ບໍລິສັດຫຸ້ນສ່ວນການບິນ Vietjet, ໂຮງໝໍສາກົນ ທູກຸກ, ບໍລິສັດຫຸ້ນສ່ວນ ຊາວທ໊າຍເຢືອງ...