(vovworld) – ໃນຂອບເຂດການຢ້ຽມຢາມ ແລະ ເຮັດວຽກຢູ່ສ.ເຊັກ, ວັນທີ 19/08, ຄະນະຜູ້ແທນຂັ້ນສູງສູນກາງພັກ ໂດຍທ່ານນາງ ຮ່າທິຄ໋ຽດ, ເລຂາສູນກາງພັກ, ຫົວໜ້າຄະນະຂົນຂວາຍປະຊາຊົນສູນກາງ ນຳໜ້າ ໄດ້ມີການເຮັດວຽກກັບທ່ານ Vojtech Filip, ປະທານພັກກອມມູນິດເຊັກ - Morava .
ກ່າວຄຳເຫັນຢູ່ທີ່ນີ້, ທ່ານ Vojtech Filip ຢືນຢັນວ່າ ຍາມໃດລັດຖະບານເຊັກ ແລະ ພັກກອມມູນິດເຊັກ - Morava ກໍ່ສະໜັບສະໜູນຊາວຫວຽດນາມ ພວມດຳລົງຊີວິດຢູ່ສ.ເຊັກ ເຊື່ອມໂຍງຢ່າງເລິກເຊິ່ງເຂົ້າສັງຄົມປະຈຳຖິ່ນ, ພິເສດແມ່ນເລື່ອງຊາວເຊັກ ເຊື້ອຊາດຫວຽດນາມ ເຂົ້າຮ່ວມການຫາສຽງເລືອກຕັ້ງໃນບັນດາການເລືອກຕັ້ງຂັ້ນທ້ອງຖິ່ນ. ທ່ານກໍ່ໃຫ້ຮູ້ວ່າ ຍາມໃດພັກກອມມູນິດເຊັກ - Morava ກໍ່ຕັ້ງໜ້າຊຸກຍູ້ບັນດານະໂຍບາຍເພື່ອແນໃສ່ເພີມທະວີຄວາມສາມັກຄີມິດຕະພາບ ແລະ ການຮ່ວມມືລະຫວ່າງ 2 ປະເທດສ.ເຊັກ ແລະ ຫວຽດນາມ. ທ່ານVojtech Filip, ກໍ່ສະແດງການສະໜັບສະໜູນຫຼັກໝັ້ນຂອງຫວຽດນາມ ໃນການແກ້ໄຂບັນຫາຢູ່ທະເລຕາເວັນອອກ ບົນເວທີປາໄສຫຼາຍຝ່າຍ ແລະ ສາກົນ.
ແລະ ກໍ່ໃນວັນດຽວກັນ, ເມື່ອໄປຢ້ຽມຢາມ ແລະ ໂອ້ລົມກັບພະນັກງານ, ພາລະກອນສະຖານທູດຫວຽດນາມ ປະຈຳສ.ເຊັກ, ທ່ານນາງ ຮ່າທິຄ໋ຽດ ໄດ້ຍ້ອງຍໍບັນດາພະນັກງານ, ພາລະກອນສະຖານທູດຫວຽດນາມ ປະຈຳຕ່າງປະເທດໄດ້ມີການເຄື່ອນໄຫວຫຼາຍຢ່າງທີ່ແທດຈິງໃນວຽກງານຂົນຂວາຍມະຫາຊົນ, ສ້າງຕັ້ງບັນດາສະມາຄົມມະຫາຊົນຊາວຫວຽດນາມ ອາໄສຢູ່ເຊັກ ໃຫ້ນັບມືນັບໝັ້ນຄົງເຂັ້ມແຂງ, ມີການປະກອບສ່ວນຫຼາຍຢ່າງເຂົ້າໃນພາລະກິດສ້າງສາ ແລະ ພັດທະນາປະເທດຫວຽດນາມ.