(vovworld) – ຕອນເຊົ້າວັນທີ 21/02, ທ່ານພົນເອກ ເຈີນດ້າຍກວາງ, ກຳມະການກົມການເມືອງ, ລັດຖະມົນຕີວ່າການກະຊວງຕຳຫຼວດ ໄດ້ລົງຢ້ຽມຢາມ ແລະ ເຮັດວຽກຢູ່ແຂວງເງ້ອານ. ເມື່ອເຮັດວຽກກັບຄະນະປະຈຳຄະນະພັກແຂວງ ເງ້ອານ, ພົນເອກ ເຈີນດ້າຍກວາງ ໄດ້ຕີລາຄາສູງບັນດາຜົນງານເຊິ່ງແຂວງ ເງ້ອານ ບັນລຸໄດ້ໃນການພັດທະນາເສດຖະກິດສັງຄົມ. ປີ 2016, ສະພາບການພາຍໃນປະເທດ ແລະ ໃນໂລກສືບຕໍ່ມີການຜັນແປຢ່າງສັບສົນ, ດ້ວຍບັນດາການເຄື່ອນໄຫວທີ່ຍາກຈະຄາດຄະເນໄດ້, ທ່ານພົນເອກເຈີນດ້າຍກວາງ ໄດ້ສະເໜີໃຫ້ແຂວງ ເງ້ອານ ຊອກຫາບັນດາມາດຕະການແກ້ໄຂຢ່າງຖືກຕ້ອງ, ສ້າງບັນດາຍຸດທະສາດໃນການພັດທະນາ ເພື່ອເຮັດແນວໃດເພື່ອໃຫ້ແຂວງ ເງ້ອານ ບືນຕົວຂຶ້ນ, ເໝາະສົມກັບຄວາມສາມາດບົ່ມຊ້ອນ, ທ່າແຮງ, ຄວາມເອົາໃຈໃສ່ຂອງສູນກາງສຳລັບແຂວງ. ພ້ອມກັນນັ້ນເອົາໃຈໃສ່ເຖິງການພັດທະນາເສດຖະກິດສັງຄົມ, ແຂວງກໍຕ້ອງເອົາໃຈໃສ່ແກ້ໄຂບັນດາບັນຫາສັບສົນກ່ຽວຂ້ອງເຖິງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມໃຫ້ເປັນຢ່າງດີ… ເພື່ອສ້າງເງື່ອນໄຂໃຫ້ປະຊາຊົນດຳລົງຊີວິດໃນຄວາມສະຫງົບສຸກ, ອີ່ມໜຳສຳລານພູນສຸກ.