(ທ່ານຮອງນາຍົກລັດຖະມົນຕີ ຫວຽດນາມ ຫງວຽນຊວນຟຸກ
ເປັນປະທານວາລະປະຊຸມຂອງລັດຖະບານ)
(vovworld) - ຕອນບ່າຍວັນທີ 15/02, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ ຫວຽດນາມ ຫງວຽນຊວນຟຸກ ເປັນປະທານວາລະປະຊຸມຂອງລັດຖະບານ ເພື່ອຕີລາຄາລວມກ່ຽວກັບສະພາບປີໃໝ່ປະຈຳຊາດປີວອກ ແລະ ຜັນຂະຫຍາຍໜ້າທີ່ຈຸດສຸມພາຍຫລັງບຸນເຕັດ. ກ່າວຄຳເຫັນສະຫລຸບວາລະປະຊຸມ, ທ່ານຮອງນາຍົກລັດຖຸະມົນຕີ ຫງວຽນຊວນຟຸກ ຕີລາຄາສູງບັນດາວຽກງານ ເຊິ່ງກະຊວງ, ຂະແໜງການ, ທ້ອງຖິ່ນຕ່າງໆໄດ້ປະຕິບັດໃນໂອກາດບຸນປີໃໝ່ປະຈຳຊາດຜ່ານມາ, ພິເສດ ແມ່ນໄດ້ປະຕິບັດຄຳສັ່ງຊີ້ນຳຂອງລັດຖະບານ, ນາຍົກລັດຖະມົນຕີຢ່າງເຂັ້ມງວດ, ເປັນເຈົ້າການປະຕິບັດໜ້າທີ່ ທີ່ໄດ້ຮັບມອບໝາຍ ເພື່ອຊ່ວຍໃຫ້ປະຊາຊົນຕ້ອນຮັບບຸນເຕັດໃນຄວາມປອດໄພ, ເບີກບານມ່ວນຊື່ນ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ສະເໜີບັນດາກະຊວງ, ຂະແໜງການ, ທ້ອງຖິ່ນ ສືບຕໍ່ປະຕິບັດບັນດາຄຳສັ່ງຊີ້ນຳຂອງລັດຖະບານ, ນາຍົກລັດຖະມົນຕີຢ່າງເຂັ້ມງວດ, ສ້າງໂຄງການດຳເນີນງານລະອຽດ, ສູ້ຊົນເພື່ອໃຫ້ຄາດໝາຍເຕີບໂດດ້ານເສດຖະກິດໃນປີນີບັນລຸ 6,5%; ປະຕິບັດບັນດາຄາດໝາຍ ຊຶ່ງກອງປະຊຸມໃຫຍ່ຂອງພັກຄັ້ງທີ 12 ໄດ້ວາງອອກຢ່າງມີໄຊ.