ທ່ານ Mohamed al-Bashir ໄດ້ຮັບການແຕ່ງຕັ້ງດຳລົງຕຳແໜ່ງເປັນນາຍົກລັດຖະມົນຕີລັດຖະບານປ່ຽນຜ່ານ ຢູ່ ຊີຣີ (ພາບ:  Reuters/TTXVN)

ວັນທີ່ 10 ທັນວາ, ສະຖານີໂທລະພາບແຫ່ງຊາດ ຊີຣີ ໄດ້ໃຫ້ຂ່າວວ່າ ບັນດາລັດຖະມົນຕີໃນລັດຖະບານປ່ຽນຜ່ານ ຫາກໍ່ສ້າງຕັ້ງຢູ່ປະເທດນີ້ ໄດ້ພົບປະກັບສະມາຊິກອຳນາດການປົກຄອງປະທານາທິບໍດີ ທ່ານ Bashar al – Assad ເພື່ອຈັດຕັ້ງການມອບຮັບບັນດາລະບອບລະບຽບການແຫ່ງລັດ ແລະ ຮັບປະກັນລັກສະນະຕໍ່ເນື່ອງຂອງບັນດາການບໍລິການສາທາລະນະ.

        ທ່ານນາຍົກລັດຖະມົນຕີລັດຖະບານປ່ຽນຜ່ານ ຊີຣີ, ທ່ານ Mohammad al – Bashir ໃຫ້ຮູ້ວ່າ ລັດຖະບານຂອງທ່ານໄດ້ຮັບການມອບໝາຍໜ້າທີ່ຄຸ້ມຄອງບັນດາບັນຫາຂອງປະເທດນີ້ຈົນຮອດເດືອນ ມີນາ 2025. ໃນໄລຍະເວລານັ້ນ, ລັດຖະບານປ່ຽນຜ່ານວາງເປົ້າໝາຍກຳສິດຄວບຄຸມບັນດາກະຊວງ, ຂະແໜງການ, ຟື້ນຟູບັນດາການບໍລິການທີ່ຈຳເປັນໃນທົ່ວປະເທດ.

        ໃນການຜັນແປທີ່ກ່ຽວຂ້ອງ, ວັນທີ 10 ທັນວາ, ທ່ານລັດຖະມົນຕີການຕ່າງປະເທດ ອາເມລິກາ Antony Blinken ໃຫ້ຮູ້ວ່າ ອາເມລິກາ ສະໜັບສະໜູນວິວັດທະນາການຫັນປ່ຽນການເມືອງ ໂດຍປະຊາຊົນ ຊີຣີ ນຳພາ ແລະ ຕັດສິນ.