(vovworld) - ກະຊວງການຕ່າງປະເທດລັດເຊຍ ໃຫ້ຮູ້ວ່າ, ວັນທີ 17/12, ທ່ານລັດຖະມົນຕີການຕ່າງປະເທດຂອງປະເທດນີ້ Sergei Lavrov ໄດ້ມີການໂອ້ລົມທາງໂທລະສັບກັບບັນດາຄູ່ຕຳແໜ່ງ Mevlut Cavusoglu ຂອງຕວກກີ ແລະ Mohammad Javad Zarif ຂອງອີຣານ ເພື່ອປຶກສາຫາລືກ່ຽວກັບສະພາບສົງຄາມຢູ່ຊີຣີ. ບັນດາລັດຖະມົນຕີການຕ່າງປະເທດໄດ້ເນັ້ນໜັກເຖິງຄວາມສຳຄັນຂອງບັນດາຄວາມມານະພະຍາຍາມລວມຈາກປະຊາຄົມສາກົນ ໃນການເຄື່ອນໄຫວຊ່ວຍເຫຼືອມະນຸດສະທຳຢູ່ຊີຣີ ແລະ ຊຸກຍູ້ວິວັດທະນາການແກ້ໄຂດ້ານການເມືອງ ໃຫ້ການປະທະກັນຢູ່ປະເທດຕາເວັນອອກກາງນີ້. ຜ່ານການໂອ້ລົມທາງໂທລະສັບ ໂດຍຝ່າຍລັດເຊຍ ລິເລີ່ມ, ລັດຖະມົນຕີການຕ່າງປະເທດ 3 ທ່ານໄດ້ເຫັນດີນຳກັນຈະພົບປະກັນໃນໄລຍະຈະມາເຖິງ.