(ພາບປະກອບ: THX/TTXVN)

ວັນທີ 21 ພຶດສະພາ, ກະຊວງການຕ່າງປະເທດລັດເຊຍ ໄດ້ແຈ້ງໃຫ້ຊາບວ່າ, ທ່ານລັດຖະມົນຕີການຕ່າງປະເທດ Sergei Lavrov ແລະ ຄູ່ຕຳແໜ່ງຕວັກກີ ທ່ານ Mevlut Cavusoglu ໄດ້ສະໜັບສະໜູນຄຳສັ່ງຢຸດຍິງຢູ່ລີບີ ໂດຍທັນທີ. ຕາມນັ້ນແລ້ວ, ໃນການໂອ້ລົມທາງໂທລະສັບ, ລັດຖະມົນຕີການຕ່າງປະເທດ 2 ທ່ານໄດ້ສະແດງໃຫ້ເຫັນທັດສະນະສະໜັບສະໜູນການເຊື່ອມຕໍ່ວິວັດທະນາການດ້ານການເມືອງຂອງສະຫະປະຊາຊາດຢູ່ປະເທດອາຟະລິກາເໜືອ ນີ້. ການໂອ້ລົມທາງໂທລະສັບນີ້ຖືກດຳເນີນພາຍຫຼັງພຽງໃນເວລາ 1 ວັນ ທີ່ກຳລັງກອງທັບແຫ່ງຊາດລີບີ ສະແດງຄວາມຈົ່ງຮັກພັກດີກັບນາຍພົນ Khalifa Haftar, ຖະແຫຼງຖອນອອກຈາກບາງບັ້ນຮົບຢູ່ນະຄອນຫຼວງ Tripoli.

        ໃນເຫດການທີ່ກ່ຽວຂ້ອງ, ກ່ອນໜ້ານັ້ນ ວັນທີ 20 ພຶດສະພາ, ທຳນຽບຂາວໄດ້ແຈ້ງໃຫ້ຊາບວ່າ, ທ່ານປະທານາທິບໍດີອາເມລິກາ Donald Trump ແລະ ຄູ່ຕຳແໜ່ງຝລັ່ງ ທ່ານ Emmanuel Macron ໄດ້ປຶກສາຫາລືບັນດາຄວາມວິຕົກກັງວົນຂອງທັງ 2 ຝ່າຍທີ່ກ່ຽວຂ້ອງເຖິງ “ການແຊກແຊງຈາກຕ່າງປະເທດຢູ່ລີບີ ພວມຊົ່ວຮ້າຍລົງ” ແລະ “ເຫັນດີກ່ຽວກັບຄວາມຈຳເປັນຕ້ອງຫຼຸດຜ່ອນການປີນຂັ້ນໄດຢ່າງຮີບດ່ວນ”.