ວັນທີ 16 ເມສາ, ທີ່ການພົບປະ ແລະ ເຮັດວຽກຢູ່ສະຖານທູດ ຫວຽດນາມ ປະຈຳ ສະຫະພັນ ລັດເຊຍ, ທ່ານ Anatoly Artamonov, ຜູ້ວ່າການລັດ Kaluga ຢັັ້ງຢືນວ່າ: ບັນດາວິສາຫະກິດ ຫວຽດນາມ ຢາກລົງທຶນເຂົ້າແຂວງແມ່ນຈະໄດ້ສ້າງບັນດາເງື່ອນໄຂບຸລິມະສິດ ແລະ ສະດວກທີ່ສຸດ. ທີ່ການພົບປະ, ທ່ານເອກອັກຄະລັດຖະທູດ ໂງດຶກແມ້ງ ໄດ້ໃຫ້ຄຳໝັ້ນສັນຍາຈະຮຽງບ່າຮຽງໄຫຼ່ພ້ອມກັບວິສາຫະກິດໃນການຮ່ວມມືກັບຝ່າຍລັດເຊຍ. ໃນຂົງເຂດການສຶກສາ - ບຳລຸງສ້າງ, ທ່ານເອກອັກຄະລັດຖະທູດ ໂງດຶກແມ້ງ ສະເໜີສ້າງຕັ້ງການພົວພັນຮ່ວມມືລະຫວ່າງແຂວງ Kaluga ແລະ ທ້ອງຖິ່ນໜຶ່ງຂອງ ຫວຽດນາມ.

        ທ່ານຜູ້ວ່າການລັດ Artamonov ຢັ້ງຢືນວ່າ: Kaluga ມີຄວາມສາມາດບົ່ມຊ້ອນຢ່າງຄົບຖ້ວນໃນການຮຽກຮ້ອງການລົງທຶນຈາກຝ່າຍ ຫວຽດນາມ, ແລະ ມີນະໂຍບາຍສ້າງເງື່ອນໄຂໃຫ້ແກ່ບັນດາວິສາຫະກິດຢາກທຳການຜະລິດຢູ່ແຂວງ. ວິສາຫະກິດລົງທຶນກໍ່ໄດ້ຮັບບຸລິມະສິດດ້ານອາກອນຜົນກຳໄລ, ທີ່ດິນ ແລະ ດ້ານຊັບສິນ. ນອກຈາກບັນດາວິສາຫະກິດແລ້ວ, ຄົນງານຊາວ ຫວຽດນາມ ກໍ່ສາມາດຊອກເຫັນກາລະໂອກາດເຮັດວຽກຢູ່ບັນດາວິສາຫະກິດຕ່ຳແຜ່ນຕັດຫຍິບ, ກະສິກຳ ດ້ວຍລະດັບເງິນເດືອນສູງ ແລະ ຮັບປະກັນເງື່ອນໄຂດຳລົງຊີວິດໃຫ້ທັງຄອບຄົວ.