ທ່ານລັດຖະມົນຕີການຕ່າງປະເທດ ລັດເຊຍ Sergei Lavrov
(ພາບ:ສຳນັກຂ່າວສານຫວຽດນາມ)
(vovworld) – ວັນທີ 6/6, ທ່ານລັດຖະມົນຕີການຕ່າງປະເທດ ລັດເຊຍ Sergei Lavrov ຖະແຫຼງ ລັດເຊຍ ບໍ່ຖືການຄົງຕົວຂອງອົງການ ນາໂຕ ແມ່ນໄພນາບຂູ່, ຫາກບັນດາການກະທຳຂອງພັນທະມິດການທະຫານນີ້ແມ່ນສິ່ງທີ່ເຮັດໃຫ້ ມົດສະກູ ມີຄວາມວິຕົກວັງວົນ. ຕາມທ່ານລັດຖະມົນຕີ Lavrov ແລ້ວ, ທັດສະນະຂອງ ລັດເຊຍ ກ່ຽວກັບການ “ແຜ່ຂະຫຍາຍ” ຂອງນາໂຕ ແລະ ການພັນທະມິດນີ້ພັດທະນາອັນທີ່ເອີ້ນວ່າ “ໂຄງການຄູ່ຮ່ວມມື” ດ້ວຍວິທີຜັນຂະຫຍາຍພື້ນຖານໂຄງລ່າງການທະຫານຢູ່ບັນດາປະເທດຕິດກັບ ລັດເຊຍ ແລະ ດຳເນີນບັນດາການຊ້ອມຮົບ, ແມ່ນບໍ່ປ່ຽນແປງ. ທ່ານໄດ້ຢັ້ງຢືນຄືນໃໝ່ວ່າໜຶ່ງໃນບັນດາໄພນາບຂູ່ຕົ້ນຕໍສຳລັບຄວາມປອດໄພຂອງລັດເຊຍ ແມ່ນເລື່ອງ ນາໂຕ ສືບຕໍ່ເປີດກ້ວາງໄປສູ່ທາງທິດຕາເວັນອອກ. ທ່ານລັດຖະມົນຕີ Lavrov ກໍ່ປະກາດວ່າ: ລັດເຊຍ ຈະນຳໃຊ້ສິດອະທິປະໄຕຂອງຕົນເພື່ອໂຕ້ຕອບບັນດາການກະທຳຂອງ ນາໂຕ ໂດຍຜ່ານບັນດາມາດຕະການທີ່ເໝາະສົມກັບບັນດາໄພນາບຂູ່ທີ່ມີຢູ່ແລ້ວເພື່ອແນໃສ່ຮັບປະກັນຄວາມໝັ້ນຄົງແຫ່ງຊາດ.