ວັນກາບກອນ ຫວຽດນາມ 2023 ດ້ວຍຫົວຂໍ້ “ຈັງຫວະໃໝ່”
(VOVWORLD) - ດ້ວຍຫົວຂໍ້ “ຈັງຫວະໃໝ່”, ວັນກາບກອນ ຫວຽດນາມ ປີ 2023 ຖືກຈັດຂຶ້ນດ້ວຍຄວາມຫວັງຕໍ່ບັນດາສິ່ງທີ່ດີງາມ, ເມື່ອປະເທດຊາດຜ່ານຜ່າໂລກລະບາດໂຄວິດ - 19, ຊີວິດການເປັນຢູ່ກັບຄືນສູ່ປົກກະຕິ.
 ພິທີໄຂວັນກາບກອນ ຫວຽດນາມ ຄັ້ງທີ 21 ຖືກຈັດຂຶ້ນຢູ່ ພະລາດສະວັງທັງລອງ (ພາບ: VOV) |
ພິທີສະເຫຼີມສະຫຼອງວັນກາບກອນ ຫວຽດນາມ ຄັ້ງທີ 21 ຖືກຈັດຂຶ້ນຢູ່ ພະລາດສະວັງທັງລອງ ໃນວັນທີ 5 ກຸມພາ - ກົງກັບວັນທີ 15 ເດືອນຈຽງ (ໄລ່ຕາມຈັນທະປະຕິທິນ). ດ້ວຍຫົວຂໍ້ “ຈັງຫວະໃໝ່”, ວັນກາບກອນ ຫວຽດນາມ ປີ 2023 ຖືກຈັດຂຶ້ນດ້ວຍຄວາມຫວັງຕໍ່ບັນດາສິ່ງທີ່ດີງາມ, ເມື່ອປະເທດຊາດຜ່ານຜ່າໂລກລະບາດໂຄວິດ - 19, ຊີວິດການເປັນຢູ່ກັບຄືນສູ່ປົກກະຕິ. ວັນກາບກອນປີນີ້ ຖືກຈັດຂຶ້ນດ້ວຍຫຼາຍຂໍ້ລິເລີ່ມທີ່ໃໝ່ອ່ຽມ ແລະ ການເຄື່ອນໄຫວທີ່ຫຼາຍຮູບຫຼາຍແບບຄື: ພິທີເປີດນຳໃຊ້ຖະໜົນກາບກອນ, ຖະໜົນປື້ມ, ການໂອ້ລົມສົນທະນາກ່ຽວກັບກາບກອນ; ບັນດາການເຄື່ອນໄຫວອ່ານກາບກອນ, ໂອ້ລົມກ່ຽວກັບກາບກອນ… ໂດຍມີຄວາມຈັບອົກຈັບໃຈຕໍ່ວັນກາບກອນ ຫວຽດນາມ, ນ້ອງ ຫງວຽນທຽນເຟືອງ, ເຊິ່ງເປັນນັກຮຽນຢູ່ຮ່າໂນ້ຍ ແບ່ງປັນວ່າ:
“ນ້ອງຮູ້ສຶກວ່າໄດ້ເປີດຫູເປີດຕາດ້ວຍຄວາມຮູ້ຫຼາຍຢ່າງ. ນ້ອງຮູ້ຈັກນັກຂຽນ ແລະ ຫຼາຍຜົນງານຕື່ມອີກ. ຜ່ານລາຍການນີ້, ບັນດາເພື່ອນໜຸ່ມໄດ້ມີຄວາມຮູ້ຕື່ມອີກກ່ຽວກັບວັດທະນະທຳຂອງ ຫວຽດນາມ”.